Concerto didáctico de Pablo Carpintero

Para os que non coñezades ainda a Pablo Carpintero unha pequena introdución:

Pablo Carpintero Arias, nado en Castro (Carballedo) o 20 de abril de 1969, é un músico, artesán e investigador galego.

É doutor en Ciencias pola Universidade de Santiago de Compostela onde foi profesor de bioquímica.

É membro directivo da Asociación de Gaiteiros Galegos e dirixe dous grupos de recuperación de tradicións musicais galegas: A Requinta de Xián e o Obradoiro de Cultura Tradicional Ultreia

Pois si, tivemos o privilexio de contar con el e con máis a súa muller para contarnos cousas tan interesantes como que os nenos en realidade son os argalleiros dos instrumentos musicais.

Ambos os dous demostraron e expuxeron a súa arte tanto na fabricación de instrumentos coma na forma de interpretar e presentarnolos.