Xeoparque do Caurel

Si, xa é unha realidade. No noso colexio estamos moi contentos de anunciar tamén esta boa nova.

Temos o primeiro Xeoparque Mundial de Galicia. O título, co que contan na actualidade un cento de localización en todo o mundo, recoñece espazos "onde as paisaxes e lugares de relevancia xeolóxica internacional son xestionadas a seguir un concepto holístico de protección, educación e desenvolvemento sustentable". A candidatura a esta declaración promóvese desde 2016 polos concellos de Folgoso do Courel, Quiroga e Ribas de Sil en colaboración co grupo de desenvolvemento rural Sil-Bibei-Navea. O espazo súmase aos doce xeoparques recoñecidos no conxunto do Estado.

Estas dúas palabras son claves porque como centro educativo apoiamos e seguiremos apoiando a riqueza cultural e xeolóxica que temos ao noso carón.