Para solicitar o servizo de comedor escolar as familias interesadas poden recoller no centro a instancia de solicitude ou descargala da web do centro.

O prazo de solicitude será do 17 ao 21 de xuño, ámbolos dous inclusive en horario de secretaría do centro.A contía a pagar por este servizo, ou a súa gratuidade, determinarase no mes de setembro mediante o procedemento que estableza a Consellería.

BENEFICIARIOS E COLABORADORES DO SERVIZO DE COMEDOR ESCOLAR O prazo de entrega da solicitude e documentación acreditativa remata o venres 21 de xuño.O Consello Escolar do centro publicará, no taboleiro de anuncios e na web, unha lista provisional de admitidos para o servizo de comedor antes do 1 de xullo entre as solicitudes recibidas.

Así mesmo aquelas persoas que desexen colaborar como persoal coidador do alumnado que utiliza o servizo de comedor poden presentar a súa solicitude no mesmo prazo do 17 a 21 de xuño.

SELECCIÓN E ADMISIÓN DE USUARIOS DO SERVIZO DE COMEDOR A selección e admisión de usuarios do servizo de comedor, cando existan máis solicitudes que prazas dispoñibles, correspóndelle ao consello escolar do centro. No taboleiro de anuncios e na web do centro exporase a listaxe provisoria de admitidos e de suplentes, respectando estritamente a seguinte orde de preferencia:-Alumnado usuario do servizo de comedor no curso escolar anterior.

-Alumnado en situación socioeconómica desfavorable ou que teña unha discapacidade igual ou superior ao 33%, acreditado con informe da asistenta social do concello que corresponda.

-Alumnado membro de familias numerosas.

-Alumnado, fillos de pais e nais traballadores con incompatibilidade demostrada dos seus horarios laborais co horario de saída do seu fillo/a ao mediodía.

-Outro alumnado do centro.

Sada a 14 de xuño de 2013.

No Diario Oficial de Galicia do 31 de maio de 2013 aparece publicada a ORDE do 30 de maio de 2013 pola que se convocan axudas para a adquisición de libros de texto, materiais curriculares e material didáctico e complementario destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos, no curso escolar 2013/2014.

Rendas familiares e contía das axudas en educación primaria

No caso do alumnado de educación primaria é condición ter unha renda per cápita familiar igual ou inferior a 9.000€. Contía da axuda:

Familias monoparentais:

-Renda per cápita familiar ata 6.000 €: 170 €.

-Renda per cápita familiar desde 6.000,01 ata 9.000 €: 90 €.

Resto das familias:

-Renda per cápita familiar ata 5.400 €: 170 €.

-Renda per cápita familiar desde 5.400,01 ata 9.000 €: 90 €.

Enténdese por renda per cápita familiar, a renda familiar dividida entre o número de membros da unidade familiar computables. Terase en conta a situación persoal e familiar en 31 de decembro de 2011 e o exercicio fiscal 2011. A renda familiar obterase por agregación das rendas de cada un dos membros computables da familia que obteñan ingresos de calquera natureza. Os membros da unidade familiar que presentasen declaración do imposto sobre a renda de 2010, para os efectos do cálculo da renda familiar sumarán os recadros 455 (base impoñible xeral) e a 465 (base impoñible do aforro) da declaración.

Información e impresos de solicitude.

O prazo de presentación de instancias vai do 3 de xuño ao 3 de xullo de 2013. Presentarase no centro educativo onde estea matriculado/a o/a alumno/a unha solicitude por alumno/a matriculado/a xunto coa documentación xustificativa da situación familiar que contempla a Orde de convocatoria.

A Orde está no taboleiro de anuncios do centro e as solicitudes, segundo o anexo I da Orde, serán facilitadas na conserxería do centro. Tamén se pode consultar e descargar da web da Consellería tanto a Orde como a solicitude: http://www.edu.xunta.es/web/gratuidadesolidaria

Sada a 3 de xuño de 2013.

Para solicitar o servizo de comedor escolar para o curso 2012-2013, as familias interesadas poden recoller no centro a instancia de solicitude ou descargala desta web. O prazo de solicitude será do 8 ao 22 de xuño, ámbolos dous inclusive en horario de secretaría do centro.

Aquelas familias que soliciten o uso gratuíto do servizo de comedor ou a bonificación do 50% do prezo, deberán aportar a documentación precisa. Se nas instrucións que deberá publicar a Secretaría Xeral da Consellería houbera modificación nas condicións para a bonificación do prezo público no servizo de comedor, informarase aos interesados, quedando estes obrigados a cumprilas e/ou achegar a documentación complementaria que sexa necesaria.

Documentación que pode visualizar ou descargar:

Instacia de solicitude do servizo de comedor.

Circular informativa

Prezos públicos do servizo de comedor escolar. Información para o cálculo económico.

Instancia de solicitude para colaborar no servizo de comedor.

Toda a información e documentación relativa ás axudas para a adquisición de libros de texto para o curso 2012-2013 está dispoñible na páxina web de Consellería de Educación.Para acceder pique aquí.

Ademais pode descargar directamentre os seguintes documentos:
-Circular informativa.
-Orde de convocatoria.
-Impreso de solicitude.

O Concello de Sada ven de publicar a convocatoria para a concesión de axudas económicas ás familias para atender aos gastos orixinados polo comezo do curso escolar do alumnado, entendendo por tales a adquisición de libros, material didáctico complementario, vestiario e outros gastos directamente relacionados.
As axudas distribuirase na forma seguinte:
-Para estudos de educación infantil un máximo de 35 euros.
-Para os estudos de 3º e 4º de primaria, e os catro cursos da ESO, a contía de 40 euros para os gastos indicados na convocatoria, agás dos libros de texto xa que está en vigor o Programa de Gratuidade de Libros de Texto.
-Para estudos de 1º,2º,5º e 6º de educación primaria e programas de garantía social un máximo de 60 euros.
-Para aquelas familias en situación de RISGA ou PNC a axuda incrementarase en 30 euros cada unha.
Prazo. As solicitudes deberán presentarse no prazo ata o 6 de decembro de 2011 no Rexistro Xeral do Concello de Sada.
As bases da convocatoria, nas que se especifica a documentación que se deberá presentar, están dispoñibles no taboleiro de anuncios e na web do Concello. Se quere consultalas ou descargalas pique aquí.