A pasada sesión de Música é Danza foi súper entretida!

Estivemos a repasar contidos grazas ós ordenadores da nosa biblioteca. 

O obxectivo era relacionar a melodía que escoitábamos ca partitura axeitada. As novas tecnoloxías son unha ferramenta moi enriquecedora do proceso de ensinanza-aprendizaxe, ademais de un moi bo recurso de atención á diversidade. 

GRACIAS PROFE!

A verdade é que repasar os contidos de Ciencias mediante Kahoot é moi divertido!

Para prepararnos para a proba escrita da unidade, un par de sesións antes de realizala, repasamos os contidos vistos na unidade mediante esta plataforma gratuíta online que permite a creación de cuestionarios online. Favorecendo a gamificación na aula, o interese e motivación do alumnado e a atención á diverisdade. Ademais, da competencia persoal, social e de aprender a aprender e a dixital. Como no curso pasado, xa utilizamos esta aplicación xa somos autónomxs no seu uso. 

Obtivemos uns resultados xeniais! Debe ser que traballamos moito e estivemos moi atentos ás explicacións da profe!  

Xs alumnxs de 1º e 2º de primaria estiveron a experimentar e observar diversos froitos de outono: pementos, castañas, marmelo, millo, granada...

Observamos as súas cores tan diversas... Describindo en voz alta as tonalidades que apreciábamos.

Tocamos as súas texturas e diferenciamos entre liso, rugoso, suave, áspero...

Con esta actividade traballamos ademais de moitos contidos relacionados con diversas áreas, un elementos transversal moi importante: a expresión oral. Ademais, de fomentar a competencia de sentido de iniciativa e espírito emprendedor e o compañerismo (co respecto da quenda de palabra, por exemplo). 

O alumnado de 5º e 6º de primaria estivo a repasar un dos contidos da materia de Lingua Castelá e Literatura: a acentuación. Unha parte da ortografía moi importante e presente ó longo da nosa andaina escolar e, que en moitas ocasións, resulta difícil de asimiliar. 

Pois ben, para interiorizar este contido de maneira máis eficaz estivemos a repasar e practicar todo este asunto coa aplicación Blooket, unha ferramenta dixital de gamificación que permite a elaboración de cuestionarios de elección múltiple. Como xa saberedes, a gamificación é unha técnica de ensinanza-aprendizaxe que traslada a mecánica dos xogos ó ámbito educativo co fin de motivar ó alumnado. 

Neste caso, o xogo consistía en atender un restaurante. Para facer as comandas necesitábamos ter os ingredientes necedarios que podíamos conseguilos acertando preguntas sobre a acentuación.

Foi moi entretido, moitas grazas profe por estas actividades!

O noso cole, a través do Equipo de Actividades Complementarias e Extraescolares, solicitou a participación no programa  XOGADE unha iniciativa promocionada e financiada pola Xunta de Galicia, co obxectivo de fomentar entre os escolares a actividade deportiva. 

Neste caso, solicitamos as actividades de iniciación ó deporte, na modalidade de escalada. Debido a motivos de altura e peso, soamente puidemos participar xs alumnxs de 2º e 3º ciclo de primaria. Tivemos a gran sorte de ser un dos centros seleccionados para esta actividade que tanto nos gustou! Saímos do cole con destino ó Pazo de Feiras e Congresos de Lugo e mirade con que súper rocódromo nos atopamos...

Tivemos un monitor que nos explicou de maneira moi detallada como realizar a actividade. Os nervios estaban moi presentes, pero ó final a maioría superamos o medo e subimos ata a cima!

Pasiño a pasiño chegamos ó máis alto!

Ata o profe Tomás se animou a probar.

Queremos agradecerlle ás persoas organizadoras desta actividade que nos brindaron a oportunidade de participar nunha actividade tan benefeciosa para a nosa saúde e divertida.

Xa se achega o día do "Magostín" polo que tocaba baixar a coller as castañas dos nosos castiñeiros para asar no tambor.

Esta mañá, o alumnado de infantil puxo as botas e apañou dous baldes pequenos delas.

Unha vez apañadas toca escollelas.

Unha a unha fomos mirando que estiveran ben e deixámolas estendidas nunha caixa.

Estamos desexando que chegue o día para comelas!!

E as fabas seguen a ser protagonistas...

Nesta ocasión amosámosvos o traballo do alumnado de infantil bullando.

Valentina explicou que na casa da súa avoa hai que pisalas primeiro.

Dito e feito! Pisamos e despois bullamos!

Magnífica actividade para o desenvolvemento da motricidade fina!

Como todos os curso chegou unha das festas que máis nos gustan do curso: O MAGOSTÍN!!!! 

A continuación, podedes visualizar o cartel que o equipo de Actividades Complementarias e Extraescolares deseñou para esta festividade que mestura o Magosto e o Samaín. 

Dende hai semanas, na materia de Art estivemos a preparar decoración terrorífica para a nosa entrada. Mirade que chula quedou.

 O alumnado de Infantil tamén fixemos decoración para o corredor. Elaboramos o "Noso monstruario", constituído por unha colección de monstros terroríficos. Espectacular!!!

Os mestres déronnos unha sorpresa de medo! Decoraron todo para nós e o luns cando chegamos quedamos abraidxs!!

Como cada curso a exposición de cabazas foi espectacular! Mirade!

Como todos os curso na aula de Infantil, estivemos a facer a cabaza para mandar a Residencia Domus VI. Fixémoslle a entrega a nai de Clara, Alba traballadora da residencia, quen a levou ese mesmo día. Na semana que vén, temos previsto tostar as pebices e comelas. Están secando na nosa aula. Mirade que ben luce xa na residencia! Estamos encantadxs de que vos gustase tanto!

Logo do xantar, fixemos o magosto. As castañas estaban deliciosas! Despois bailamos e brincamos no noso baile de disfraces de Samaín!

Estivemos a asar as castañas no bombo para despois do xantar comelas de sobremesa. Estaban boísimas!

Tamén, xogamos aos xogos do outuno. Bolos pantasma, encesta a cabaza, mímica monstruosa...Que divertido!!!

Ademais, fixemos un obradoiro de cariocas. Despois, estivemos a xogar un poquiño con elas! Foi moi entretido!

FOI UN DÍA INESQUECIBLE!!

O 24 de outubro conmemórase o Día das Bibliotecas. No noso cole, fixemos diversas actividades para celebrar este día tan importante para nós. 

Comezamos o día acudindo á Biblioteca Municipal de Bóveda en dous grupos.

Primeiro foi o turno do 2º e 3º ciclo de Primaria. Acudimos a biblioteca a realizar un scaperoom ou búsqueda do tesouro, neste caso o obxectivo era atopar un libro seguindo unha serie de pistas que nos conducían a el. A finalidade desta actividade era que o alumnado soubese buscar exemplares de maneira autónoma na biblioteca. 

Atopamos o exemplar e o tesouro eran moedas comestibles!

Por outra banda, o alumando de Infantil e 1º ciclo de Primaria fixemos unha visita pola biblioteca e coñecimos a súa mascota: a Rálida. E para levarnos un recordo do día fixemos a nosa propia ra. Foi moi divertido! 

Moitas grazas ao Concello e, en especial a técnica sociocultural, por organizar actividades tan divertidas! 

Durante o tempo de ler, fixemos unha tarefa moi interesante. Cada un de nós tivo que facer a portada do seu libro favorito nun libriño que deseñaron as alumnas de Proxecto Competencial de 5º e 6º de Primaria. Nel, tamén incluimos unha foto nosa para que o resto do alumnado saiba de quen é e poida xogar ás adiviñas. 

Con todos os libriños fixemos un mural precioso que xa decora o noso corredor. 

Ademais, o noso cole pertence ó colectivo LemosLe, que agrupa a bibliotecas municipais e escolares da terra de Lemos e arredores. Esta asociación, sempre deseña un marcapáxinas para o Día das Bibliotecas que nos levamos para casa ou deixamos no cole para marcar as nosas lecturas. A coordinadora da nosa biblioteca, Noelia, foi a encargada de traelos ata o noso cole!

Ademais de todo esto, as dúas alumnas de Proxecto de 5º e 6º de primaria tamén prepararon un contacontos para conmemorar este día. E o venres, durante o tempo de lecturas compartidas realizaron a lectura a todxs xs seus compañeirxs. Elixiron o conto Cando eu saiba ler de Yolanda Castaño, da editorial Galaxia, un conto rimado que relata a de cousas que podemos facer cando aprendemos a ler e, por suposto, a importancia da lectura ao longo da nosa vida. Prepararon os monicreques e practicaron a lectura. Fixérono moi ben!

Foi xenial!!