Educación física

O pasado luns, 19 de xuño, o alumnado de 5º e 6º niveis de E. Primaria as súas titoras e o titor, xunto coa profesora de E.Física, levaron a cabo unha xornada de convivencia e recoñecemento da contorna cunha rota de sendeirismo. Deste xeito, saíron do centro en autobús deica Broña a iso das 10:10h  e, unha vez alí, dirixíronse polo paseo marítimo cara á área recreativa da Punta do Requeixo, onde xogaron, conversaron e repuxeron forzas merendando e bebendo. Logo, retornaron a Broña, onde xogaron un anaquiño máis e, pouco despois, subiron ao autobús para regresar ao colexio. Por suposto, tratouse dunha agradable xornada da que nenos, nenas e profes gozaron ...

Moita sorte na vosa nova etapa educativa e na vida en xeral, nenos e nenas de 6º!!! 

O pasado venres, 9 de xuño, o alumnado de 1º a 4º de E. Primaria e 6 mestras do centro visitaron ao longo do día a Fundación Neira Vilas e tamén subiron ao Pico Sacro. Neste último lugar, estiveron acompañados do profesor e escritor X.M Lobato, que xa antes estivera no noso centro falando dos mitos e lendas vencellados co Pico Sacro, posto que o eixo vertebrador do traballo levado a cabo ao longo do curso nas diferentes aulas do centro foi precisamente ese: "Mitos e lendas", a proposta do Equipo de biblioteca.

Un ano máis, os catro centros de E.Infantil e Primaria dos Concellos de Outes e Noia levamos a cabo unhas xornadas de convivencia e xogos populares.

Este curso, houbo unha modificación con respecto aos  anteriores... Os nenos e nenas acollérona de bo grao, pois no canto de teren que seguir unha orde estipulada, previamente, no referente ao paso polas estacións de xogo e teren que ir co mesmo grupo toda a xornada, agora podían ir dunha estación noutra como mellor lles parecese e tamén na compaña de quen quixesen... Iso si, deberían procurar pasar por tódalas estacións de xogo, onde despois de xogar un anaco lles porían un gomet no plano. 

A primeira xornada levouse a cabo no C.E.I.P Felipe de Castro de Bergondo o venres, 28 de abril, co alumnado de 1º e 2º niveis e varios/as dos seus mestres/as.

A segunda xornada tivo lugar no C.E.I.P Alexandre Rodríguez Cadarso da Barquiña o xoves, 5 de maio, co alumnado de 3º e 4º niveis e varios dos seus mestres/as.

A terceira xornada celebrouse no C.E.I.P Emilio de Navasqüés do Cruceiro de Róo o luns, 8 de maio, co alumnado de 5º e 6º niveis e parte do seu profesorado.

Agora só quedan por pasalo igual de ben os/as máis pequerrechos/as dos nosos coles e os /as seus/súas mestres/as . 

A xornada de E. Infantil terá lugar no noso centro, se todo vai ben, o vindeiro 1 de xuño.

Agardámosvoooooos!!!

O pasado venres, 27 de xaneiro, tivo lugar a Fase intercomarcal de Campo a través. Nesta ocasión, a competición tivo lugar na casa, concretamente na contorna da Horta do muíño.

Do noso centro lograran clasificarse dous equipos: o benxamín masculino e o alevín tamén masculino, tras acadar un segundo e primeiro postos respectivamente na Fase intercomarcal, celebrada no Campamento xuvenil V irxe do Loreto (Porto do Son) e dúas nenas a nivel individual: Sabela F.F. da categoría benxamín feminina e Laura C.R. da alevín feminina

O día amencera feo; chuvia, vento e lama deslucían o circuíto... Pero, aínda así, os nosos corredores e corredoras lograron brilar e por riba... NA CASA. Deste xeito, regresamos ao centro con trofeos e medallas, posto que acadamos dous primeiros postos por equipos e un quinto posto, a nivel individual, da carredora Sabela F.F., co cal acadaron a clasificación para a seguinte fase: a Provincial, que terá lugar o vindeiro, 18 de febreiro (sábado) na Pobra do Caramiñal. Nesta ocasión, a outra corredora, Laura C.R., quedou fóra por ben pouco, aínda que fixo unha excelente carreira, pòis non debemos esquencer que correu con problemas de saúde.

NORABOA A TODOS/AS!!!

Queremos tamén agradecerlles a familiares e amizades dos nosos corredores/as a súa colaboración e apoio. 

Antonte, 19 de decembro, arredor de 70 nenos e nenas e 4 mestres/as saímos a iso das 10:10h do centro cara a Porto do Son, onde se levaría a cabo a Fase comarcal de Campo a través en Idade escolar.

Unha vez alí, visitamos o circuíto e os corredores/as foron preparándose e quentando para ir participando nas distintas carreiras por categorías e sexos.

Segundo ían rematando os nervos ían quedando atrás e os éxitos chegando. Así, acadáronse un total de 7 metais. Deste xeito,  o equipo Benxamín masculino acadou un fabuloso segundo posto, o equipo Alevín masculino, nen máis nen menos que, un merecidísimo primeiro posto e a nivel individual clasificáronse Sabela F. (3ºA) na categoría  Benxamín feminina e Laura C. (5ºA) na Alevín, tamén feminina. Resaltar ademais que Natasha, Infantil feminina, estivo a un só posto de logralo, conseguindo un meritorio noveno posto.

Noraboa a todos/as ... Por suposto, referímonos tamén a todos/as aqueles/as que, a pesares do seu esforzo, remataron a súa andaina nesta tempada.

Agradecerlles, unha vez máis, ás persoas que nos acompañaron o seu apoio.

E agora, toca pelexar na casa, posto que a vindeira xornada, a da Fase intercomarcal, terá lugar no noso propio Concello, concretamente na Serra. 

Alí estaremos, máis ilusionados/as que nunca e orgullosos/as de competir tan preto do noso centro.