O pasado xoves, 1 de xuño, o alumnado de E.Infantil do noso centro, do C.E.I.P Emilio de Navasqüés, do Cruceiro de Róo, do C.E.I.P Felipe de Castro, de Bergondo, do C.E.I.P Alexandre Rodríguez Cadarso, da Barquiña e parte do profesorado dos catro centros educativos levamos a cabo unha xornada de convivencia e xogos populares. Foron algo máis de 200 os alumnos/as (E.Inf.) participantes e 22 os profesores/as. Pero, ademais, contamos coa marabillosa colaboración do alumnado de 6º nivel de E.P e dúas alumnas de 5º nivel que, sen dúbida, desempeñaron un relevante papel na xornada.
