E chegou o 23 de Abril Día do libro. 
Este ano o festexo será diferente.

Neste día tan especial para a comunidade educativa e no que temos tan presente a lectura quixemos ler para todos e todas vós. 

Este ano queremos dedicarllo a un libro que cumpre neste mes de abril 77 anos dende a súa aparición. É unha das obras máis destacadas do século pasado, un clásico para nenas e adultos: ‘O Principiño’. Por iso a pesares deste confinamento e aproveitando as tecnoloxías queremos ler os fragmentos máis significativos do libro. 

Para iso buscamos grandes lectores e lectoras. Atopámolos entre as familias rexistradas como usuarias da nosa biblioteca e entre os mestres do cole.

O Principiño (I parte)

O Principiño (II parte)

FESTIVAL DE NADAL

Co belén ao fondo do salón, coas paredes ateigadas de postais de Nadal feitas polos alumnos e alumnas do Centro, co salón ateigado de mamás, papás, avós, avoas, tíos...,  tivo lugar, coma todos os anos o festival de Nadal, que se os houbo lucidos, o deste ano non lle desmerece a ningún.

Nenos e maiores puideron disfrutar de representacións teatrais, bailes, escenificación de festas, narración de contos... de todo o que se pode ofrecer nun festival.

Os nenos e mestres, a pesares de que contaron con pouco tempo para ensaios, demostraron as ganas e a capacidade de argallar un festival variado e de calidade.

               3 anos                                               4 - 5 anos

                  1º de Primaria                                 2º de Primaria

                  3º de Primaria                                  4º de Primaria

                  5º de Primaria                                  6º de Primaria

                                        6º de Primaria

Co Festival e a entrega das cualificacións rematou o primeiro trimestre do curso.

BOAS FESTAS A TODOS.

Para ver máis fotografías vaia á galería.

O día 7 de xuño, no pavillón de Tenorio, tivo lugar  a FESTA DO DEPORTE do curso 2012-2013.

Os nenos e nenas dos centros participantes nas distintas competicións durante todo o curso escolar ( Cerdedo, Soutelo de Montes, Ponte Caldelas, A Reigosa, Cotobade, Tenorio), recolleron os merecidos premios en forma de medallas e trofeos.

Foi un día de xuntanza, no que nenos e nenas lembraron detalles das distintas competencias realizadas durante o curso.

Chegaron os entroidos e con eles a troula, o pasalo ben, o facer actividades propias deste tempo...

Comezamos o 31 de xaneiro, no que celebramos, durante o recreo, o xoves de comadres. As nenas trouxeron ao colexio uns bonecos feitos de papel. A unha orde dos profes e, por cursos, os nenos perseguronan ás nenas ata pillalas; unha vez pilladas rompíanlles os bonecos. Foron indultados os  bonecos da última nena en conservala.

Chegou o 30 de xaneiro, DÍA DA PAZ E NON VIOLENCIA.

Xa durante a semana, os alumnos e alumnas, dirixidos polos seus mestres e mestras foron facendo actividades referentes ao tema. Lecturas, murais, que se expuxeron no salón de actos, actividades do equipo de normalización, actividades sobre a poesía de Gloria Fuertes, cancións, vídeos...

O día 30, pola tarde reunímonos todos no salón de actos onde desenvolvemos todas as actividades preparadas durante  a semana.