Blog de biblioteca
Novembro é o mes da Ciencia en Galego, podedes botar un ollo á información relacionada co tema nesta entrada do blogue da Asesoría de Bibliotecas Escolares de Galicia premendo na seguinte imaxe
O curso pasado por estas datas, nos "recreos na bibilo" fixemos unha serie de experimentos moi divertidos.
Este curso non poderemos realizar esa actividade por motivos obvios, desencadeados dos protocolos COVID-19. Dende o equipo de biblioteca estivemos pensando o xeito de conmemorar o mes da ciencia en galego doutro xeito, e decidimos propoñer a cada unha das aulas a elaboración dun "LAP BOOK" sobre un home ou muller galegos, obviamente, que estean relacionados coa ciencia.
Así cada aula ( a acorde ás súas posibilidades, porque obviamente non vai ser o mesmo traballo de investigación para o alumnado de ED. Infantil e os primeiros cursos de primaria, que o de quinto e sexto que son máis autónomos)
Así elaboramos un listado, para que cada clase seleccione a súa escolla ( e non repetirnos)
E unha pequenísima infografía para que nos sirva de guía nesta actividade, recalcando a importancia de citar sempre as fontes de información ( e obviamente verificalas)
Seguiremos informando!!!!! |
|||
Este curso, non queríamos prescindir dunha actividade que nos parece importantísima e ademais lles encanta: OS CONTACONTOS PARA ED. INFANTIL 1º e 2º de Primaria, por parte das familias. Solicitamos a axúda das familias para manter os contacontos, pero desta volta de xeito TELEMÁTICO.
A primeira que se animou a contarnos un conto, foi Beatriz, a nai de Xermán ( que tamén colaborou nesta narración).
O conto escollido foi "A banda de Raimunda", escrito por Pablo Nogueira, e ilustrado por Manuel Uhía , publicado por Baía Edicións.
Aquí queda este magnífico contacontos, que Beatriz nos permitiu publicar na conta de "youtube" da biblioteca.
Desfrutádeo tanto coma nós!!!! E moitísimas grazas a Beatriz por compartir a súa arte con nós!!! BOA LECTURA.
E aquí tedes unha foto dos protagonistas: Xermán entregándolle un diploma de agradecemento á súa nai:
|
|||
Dende o cole, e especialmente dende o equipo de BIBLIOTECA queríamos agradecer a Rocío, tía de Xermán da clase de 4 anos a doazón que nos fixo en xuño, a finais de curso.
Polo cese do seu negocio de videoclube , doóunos unha chea de películas para aumentar a nosa colección, con películas: -"Para todos os públicos" -"Non recomendadas a menores de 7 anos"
Quixemos ter un pequeno e simbólico detalle con ela, e pensamos que non había mellor momento , que nas datas máis próximas ó día das bibliotecas escolares (24 de Outubro).
Aquí vos deixamos unhas poucas fotos do momento da entrega do agasallo das mans de Xermán.
Moitísimas grazas Rocío!!!!!
|
|||
O 24 de outubro conmemórase o día das Bibliotecas Escolares Iniciamos esta semana o préstamo individual e hoxe tamén a viaxe das nosas "mochilas viaxeiras". Este ano, por mor do Plan de Adaptación ao Covid 19 non puidemos facer a nosa tradicional festa de celebración no comedor escolar ( o noso salón de actos particular) Pero non podíamos deixar de celebrar esta data, polo que decidimos facer unha sorte de "apadriñamento lector" e cada unha das clases ía "apadriñar" a outra, así, cada quen elaborou un pequeno vídeo para a clase que lle foi asignada, houbo cancións, bailes, contos, e moitas cousas máis. A asignación foi a seguinte: O alumnado de 6º de primaria "apadriñou" ó alumnado de 1º de primaria , e viceversa. O alumnado de 5º de primaria "apadriñou" ó alumnado de 2º de primaria, e viceversa. O alumnado de 4º de primaria "apadriñou" ó alumnado da clase mixta de 3 e 4 anos de ED. Infantil, e viceversa. O alumnado de 3º de primaria " apadriñou" ó alumnado da clase de 5 anos de ED. Infantil, e viceversa. E hoxe cada aula visionou o vídeo correspondente ó seu "padriño". Gustoulles moitísimo, dende o equipo de biblioteca, damos as grazas a cada unha das aulas, aos seus titores e titoras e especialistas que colaboraron con eles e elas. Tanto nos gustou, que decidimos que todas e todos debíamos ver os vídeos que elaboraron os demais, e aquí vos quedan. Para que os desfrutedes!!!! BOA LECTURA, E BO DÍA DAS BIBLIOTECAS ESCOLARES CREACIÓN DA CLASE DE SEXTO CREACIÓN DA CLASE DE QUINTO CREACIÓN DA CLASE DE CUARTO CREACIÓN DA CLASE DE TERCEIRO
CREACIÓN DA CLASE DE SEGUNDO
CREACIÓN DA CLASE DE PRIMEIRO
CREACIÓN DA CLASE DE 5 ANOS
CREACIÓN DA CLASE MIXTA DE 3-4 ANOS
|
|||
Este ano entramos a formar parte do proxecto "BIBLIOTECAS CREATIVAS" (premede para obter máis información) Fainos moita ilusión participar neste proxecto, xa que cremos que é algo moi enriquecedor para a nosa Comunidade Educativa. Seguiremos informando!!
|
|||
Como sabedes o próximo día 24 é o día das BIBLIOTECAS, o venres 23 celebrarémolo no cole, esta semana iniciamos parte das actividades da nosa BIBLIOTECA ESCOLAR: préstamo individual e mochilas viaxeiras.
Deixámosvos as normas para o uso das mochilas.
Adxuntamos tamén o arquivo en PDF (que ten mellor calidade ) esta nota irá incluída en cada mochila, ademais das normas de uso xeral da biblioteca por mor do PROTOCOLO COVID-19 e o diario da mochila.
Agardamos que desfrutedes do contido das mochilas. BOA LECTURA EN FAMILIA. |
|||
Gustaríanos seguir mantendo a actividade de "Contacontos para ED. Infantil" por parte das familias e comunidade educativa.
Pedimos a vosa colaboración, animádevos á participar. Grazas!!!!!! E xa sabedes, enviade as vosas creaccións á biblioxuve@gmail.com
|
|||
Hoxe recibimos unha visita moi especial: Melania , do grupo de educación para a saúde : "Pupas, sustos e outros desgustos"
Primeiro realizou unha presentación sobre a COVID-19, (normas e recomendacións) dun xeito lúdico e moi interesante, na aula de 5 anos.
E posteriormente unha pequena representación de alumnado de quinto e sexto, ( cumprindo as normas protocolarias ) na biblioteca do centro recibiron formación para ser o equipo "Virus fighter" .
Aquí vos deixamos unhas poucas fotos do momento:
|
|||
Tivemos que adaptar a nosa bibilioteca escolar para que se axuste ao PLAN DE ADAPTACIÓN AO COVID 19 do noso centro. Aquí vos deixamos un pequeno resumo, moi visual, das normas básicas.
BOA LECTURA!!!
Engadimos información visual que nos remiten dende a ASESORÍA DE BIBLIOTECAS ESCOLARES (arquivo adxunto en PDF)
|
|||
Este será o "lema" que nos guiará este curso nas BE.
A Consellería de Cultura, Educación e Universidade publica o lema e o cartel para as bibliotecas escolares de Galicia de cara a este curso 2020/2021. O lema elixido, XEOGRAFÍAS LECTORAS NA BIBLIOTECA ESCOLAR, quere poñer o foco nas posibilidades que ofrece a biblioteca escolar para a construción da persoa lectora a través das distintas actividades que programa e dos recursos que pon a disposición da comunidade educativa. Cada libro que o alumnado ten a oportunidade de ler é unha ocasión para ampliar a súa imaxinación e aumentar os seus coñecementos, de aí a importancia da selección de lecturas que se pon ao seu alcance. A ilustradora encargada este ano de interpretar o lema elixido foi Bea Lema, quen nos ofrece unha imaxe evocadora deses mundos imaxinarios que a lectura pode axudar a visitar e construír. En tempos confusos como os que estamos a vivir cómpre volver ás orixes, ao fundamental: a lectura e toda a súa potencialidade, sen esquecer outras oportunidades da biblioteca escolar para unha formación integral do alumnado. Atravesar o mapa da lectura pode facerse desde distintas ópticas, comezar a viaxe desde distintos portos: - Pescudar nas lecturas que convidan a viaxar, a explorar, a investigar. Lecturas que nos permiten chegar lonxe sen movernos da escola (ou da casa). Lecturas que axudan a incentivar o inconformismo, a necesidade de coñecer outros mundos, de ampliar a nosa visión, de "ler o mundo". - Configurar o itinerario lector como punto de partida da nosa xeografía lectora. - Debuxar o mapa das nosas curiosidades, exploracións e descubrimentos a través das lecturas. Descubrir as relacións entre identidade e lectura. - Observar o modo en que cambiou a nosa xeografía lectora durante o período de confinamento (os nosos hábitos, as nosas lecturas...). - Saber que somos os nosos propios cartógrafos, os que organizamos o noso espazo lector (e o noso "liberespazo", o sistema de lecturas que imos creando ao longo da vida). - Observar o noso corpo como un mapa de coñecemento, achegarnos á práctica da lectura a través do propio corpo. Descubir a capacidade reparadora da lectura. - Deixarse levar polas relacións entre cartografía e literatura, que convidan á aventura (debuxar espazos peritextuais, con mapas e planos que crean expectativas e acompañan na aventura lectora, debuxar mapas que representan mundos coñecidos e mundos imaxinarios, relacionar as nosas lecturas a través de "constelacións literarias", en función da temática, os personaxes...). XEOGRAFÍAS LECTORAS NA BIBLIOTECA ESCOLAR convida a explorar todas as posibilidades da lectura: en calquera soporte, en calquera formato, con calquera finalidade; lecturas textuais e icónicas; imaxes fixas e en movemento; lectura de gráficos, planos, mapas ou infografías; lecturas individuais e lecturas compartidas, en silencio ou en voz alta; lectura de ficción e de información; lectura libre e guiada; lectura que nos axude a comprender mellor o noso mundo e lectura que nos axude a entender o mundo dos outros... (fonte: https://www.edu.xunta.gal/biblioteca/blog/?q=node/1360)
|
|||
- « primeira
- ‹ anterior
- …
- 14
- 15
- 16
- 17
- 18
- 19
- 20
- 21
- 22
- …
- seguinte ›
- última »
