Skip to Content
A nosa mascotaLeo: A nosa mascota

SAMAIN 2018

Sáb, 10/11/2018 - 17:17 — admin

Chegou unha das épocas que máis nos gusta do ano, o Samaín, e veu cargadiño de actividades. IX Edición de Lecturas Terróficas que como sempre comeza cunha exposición na biblioteca de lecturas propias desta temática e ademais durante unha semana as diferentes clases participaron con actuacións tan terroríficas como a representación do conto "A figueira de pelostortos" dos alumnos e alumnas de 5º de E.P., a canción dos esqueletos de 6º E.I... podedes ver un resumo de todas elas no blogue da biblioteca.

Ademais as familias participaron na creación das cabazas, coa novidade deste ano de que todas tiñan que estar inspiradas no tema mariñeiro e saíron auténticas marabillas, podedes ver un resumo de todas elas premendo no seguinte enlace: cabazas mariñeiras.

MAGOSTO 2018

Xov, 01/11/2018 - 00:00 — admin

Un ano máis festexamos o noso magosoto con xogos populares para os máis pequenos con a castaña como protagonista en cada un deles e despois a desgustación das deliciosas castañas que sempre saben a pequenos e maiores, podedes ver un vídeo resumo desta xornada no blogue da biblioteca.

RADIO BALEA

Mar, 09/10/2018 - 23:00 — admin

O curso comeza cargadiño de novidades e, entre elas, destaca as novas instalacións de Radio Balea, a radio do noso cole. Gracias a colaboración da ANPA e do Concello estreamos dependencias totalmente acondicionadas para poder levar a cabo a nosa aventura dentro do mundo da radio. Formamos parte do programa educativo Radio na biblio, sendo un dos primeiros 20 centros seleccionados.

CURSO 2018-2019

Mér, 05/09/2018 - 12:25 — admin

Listaxe do alumnado con praza no Servizo de Comedor Escolar - Curso 2019/20

Lun, 02/07/2018 - 07:45 — admin

Adxuicadas as prazas para o servizo de comedor escolar no curso 2018/19, para consultar a listaxe premer no seguinte enlace:

Establécense cinco días hábiles para reclamacións a partir da publicación das listas seguindo a Orde de Instruccións 2/2018. do 4 de xuño.

Proxecto do mar 2017-2018

Ven, 29/06/2018 - 23:00 — admin

Rematamos este curso co producto final do Proxecto Documental Integrado deste ano, e que tamén continuaremos para o seguinte, O MAR. En realidade son tres productos finais, o diccionario do mar, o museo do mar e creación e interpretación da canción Un mar de contos, e que podedes consultar todos eles premendo no seguinte enlace: blogue da biblioteca.

I DÍA DA CIENCIA E A TECNOLOXÍA

Ven, 15/06/2018 - 13:27 — admin

Este ano celebramos con gran éxito o I Día da Ciencia e a Tecnoloxía. Cada curso preparou duas prácticas, unha científica e outra tecnolóxica de maneira que tivemos un total de 18 talleres onde participaron todo o alumnado en grupos heteroxéneros onde os máis maiores guiaban os máis pequeniños. En cada un dos talleres, os encargados de explicalo eran os escolares do curso que o preparou. Foi unha excelente ocasión para practicar con todos os materiais novidosos, para convivir, para converter ao alumnado en docente... Podedes ver todas as fotos da xornada premendo no seguinte enlace: I Día da ciencia.

 

UNHA EDUCACIÓN DE PREMIO

Mar, 29/05/2018 - 23:00 — admin

Xa está nas librarías, e tamén na nosa biblioteca o libro de Selina Otero: Unha educación de Premio, editado por Galaxia. A publicación recolle experiencias de 20 centros educativos galegos que están á cabeza da innovación no panorama educativo actual. Sentímonos moi orgullosos da nosa presenza nese listado tan exclusivo e agardamos que sirva, entre outras cousas para que cada familia sinta tamén ese orgullo: o de estar educando aos seus fillos/as nun centro que se esforza por ofrecer a mellor das educacións posibles. 

AXUDAS FONDO LIBROS E MATERIAL ESCOLAR 2018/2019

Mar, 22/05/2018 - 10:42 — admin

Coa finalidade de axudar ás familias establécese unha nova liña de axudas para a adquisición de material escolar e a participación no fondo solidario de libros, quedando as bases recollidas na ORDE do 9 de maio do 2018 (pódese consultar premendo enriba da orde).

Esta orde ten por obxecto regular para o curso 2018/19 no ámbito dos centros docentes da Comunidade Autónoma de Galicia sostidos con fondos públicos:

a) A participación no fondo solidario de libros de texto do alumnado matriculado en 3º, 4º, 5º e 6º de Educación Primaria.

b) A convocatoria de axudas para adquirir libros de texto destinadas ao alumnado matriculado en 1º e 2º de EP.

c) A convocatoria de axudas para adquirir material escolar destinadas ao alumnado matriculado en EP.

Os formularios de solicitude poderán descargalo en formato PDF no seguinte enlace:

- Formulario de participación.

DATAS:

 

CALENDARIO

19-21 Xuño

Devolución de libros de texto

22 Xuño

Remata prazo de solicitude

30 Xuño

Publicación listaxe provisional (indicando causa de exclusión)

4 Xullo

Publicación listaxe definitiva

5 e 6 Xullo

Entrega de cheques

MES DAS LETRAS 2018

Sáb, 19/05/2018 - 23:00 — admin

Chegou o mes das letras e con el moitas actividades que xa vimos realizando todos os anos, como por exemplo o Festival das Letras Galegas, que tivo como novidade este ano que o realizamos no centro cívico, moitas das actuacións as podedes ver nos diferentes blogues do centro e un resumo fotográfico no blogue da biblioteca. Ademais, unindo o noso tema do mar, que é o Proxecto Documental Integrado deste curso, cun dos libros de Mª Victoria Moreno "Mar adiante", escritora a quen se lle dedica as Letras Galegas deste ano, creamos un fermoso mural colectivo que preside a entrada da biblioteca, xunto coa exposición de lecturas recomendadas para esta época.

Distribuir contido


by Dr. Radut