CEIP Milladoiro

Andrea Vila (2º de Primaria) foi a gañadora este ano do concurso de debuxo que organiza o Concello de Malpica para ilustrar o cartel de actividades municipais navideñas. O alcalde de Malpica entregou o premio en persoa no CEIP Milladoiro, consistindo este nun lote de libros. Ademais agasallou o resto do alumnado co libro Os bolechas visitan a Olería de Buño.

Coma outros anos, os recreos énchense de diversión cos xogos populares. Aquí tedes unha pequena mostra do ben que o pasan os cativos xogando a corda, mariola, aros, zancos, 3 en raia ou buxainas.

Para ver o vídeo podedes premer no seguinte imaxe.

Chegou o fin de curso e este ano graduamos aos nenos e nenas de 6º E.P. que comezan unha nova etapa e os cativos de 6º E.I. que abandonan o ciclo de Infantil para empezar a súa andaina na primaria. Foi un día cheo de emocións, lágrimas, despedidas e novas ilusións que rematou no centro cívico coa actuación do Mago Pablo. A continuación festexamos o I Día da Familia (vídeo resumo no blogue da biblioteca) compartindo xogos populares no patio, merenda e mostrando todos os traballos realizados neste curso.

Soamente queda desexarvos a todos un FELIZ VERÁN! para todos de parte do equipo que conforma o CEIP Milladoiro.

O pasado luns 20 de xuño celebramos unha das actividades máis esperadas polos cativos/as, a TÓMBOLA!!! Todos os alumnos do centro participaron en diferentes xogos tradicionais competindo entre eles para conseguir puntos que despois intercambiaron por agasallos. Todas as imaxes e un vídeo resumo da xornada o podedes ver no blogue da biblioteca.