ELECCIÓNS REPRESENTANTES DAS FAMILIAS
PARA O CONSELLO ESCOLAR
Na convocatoria de eleccións deste ano toca escoller a 3 representantes das familias.
O censo electoral (persoas que poden elixir e ser elixidas) está publicado na entrada do centro (mesa de sinaturas). O prazo de reclamacións remata o día 17 de novembro ás 14:30 horas.
As persoas interesadas poden presentar a súa candidatura ata as 14:30 horas do día 18 de novembro.
O sorteo das catro nais, pais ou titores/as legais que formarán parte da mesa electoral farase o día 21 de novembro ás 16:00 horas.
As votacións serán na biblioteca do centro o martes día 29 de novembro de 9:00 a 10:00 e de 15:15 a 17:30 horas e posteriormente farase o escrutinio. O voto será directo, secreto e non delegable nin por correo. Deberá acreditarse a identidade mediante o DNI ou documento similar.