ELECCIÓN DOS REPRESENTANTES DE NAIS, PAIS
OU TITORES/AS LEGAIS DO ALUMANDO AO CONSELLO ESCOLAR
CIRCULAR INFORMATIVA
Mañá día 29, martes, en horario de 9:00 a 10:00 e de 15:15 a 17:15 horas, celébrase neste
Centro a votación para a elección de representantes dos pais, nais ou titores legais do alumnado no
Consello Escolar do Colexio.
Para participar na referida votación, tal como se sinalaba na convocatoria, procederase da seguinte
forma:
1º.- Quen pode votar.
Teñen dereito a votar todos os pais, nais ou titores legais do alumnado matriculado no Centro que
figure no Censo que ao efecto aprobou a Xunta Electoral, tras a súa exposición pública
regulamentaria.
Tal dereito corresponde indistintamente ao pai e á nai ou titor ou titora legal, podendo votar tamén
só un deles.
2º.- Modo de emitir o voto.
a) O voto será directo, secreto e non delegable.
b) Os modelos de papeletas e sobres da votación serán, obrigatoriamente, os previamente fixados
pola Xunta Electoral do Centro, dos que haberá cantidade suficiente no local da votación.
c) Nas referidas papeletas figurará o nome das catro candidaturas presentadas, podendo marcar
un máximo de dúas candidaturas e debendo acreditar as persoas votantes a súa identidade
mediante a exhibición do D.N.I. ou documento similar.
d) Finalizada a votación procederase ao acto do escrutinio dos votos, que será público e, unha vez
realizado, levantarase a correspondente acta.
A dirección deste Colexio anima a todos os pais, nais e titores legais do alumnado a que participen
na votación de mañá martes, como unha forma máis de colaboración na organización do Centro.
