Hoxe un grupo de alumnos/as de 5º de EP fixeron entrega dos cartos recaudados para beneficiar, neste caso, a Caritas Cariño. O recaudado foron, un pouco máis de 500 euros, que servirán para axudar a aqueles veciños que máis o necesitan. Estamos moi orgullosos/as dos nosos nenos/as. 

Estimadas Familias:

O vindeiro luns día 30 de xaneiro conmemorouse o Día Escolar da non Violencia e da Paz.

Con tal motivo, no centro leváronse a cabo unha serie de actividades ao longo da semana (XXX Semana Solidaria). Unha delas é unha cuestación anónima e voluntaria para recadar fondos para unha causa benéfica. A organización solidaria para a que irán destinados estes fondos será CARITAS CARIÑO.

A recollida dos sobres no colexio coa aportación anónima e voluntaria farase ao longo da semana do 6 ao 10 de febreiro.

Nas familias poderíades traballar este aspecto solidario facendo partícipes aos vosos/as fillos/as e sendo eles/as quen aporten, sempre de xeito voluntario, dos seus propios aforros.

Agradecemos de antemán a vosa colaboración que se ven prolongando neste colexio desde o comezo desta actividade no ano 1993.

*Recordamos que o sobre debe traerse de novo ao colexio, cerrado, CON ou SEN aportación.

Un saúdo

A Dirección

Cariño a 3 de febreiro de 2023

Hoxe celebramos no noso cole un Día moi especial, onde cantamos, bailamos e berramos pedindo "UN MUNDO EN PAZ". Desexamos o fin da guerra en tantos e tantos  paises que viven esta lacra, pero sobre todo , pedimos que parara a guerra en Ucrania, o país dos/as nosos/as compañeiros/as, que se viron obrigados a fuxir e deixar atrás todo o que eles/as coñecían.

Deixámosvos un pequeno adianto cunhas fotos, pero prometemos ensinarvos un video con todo o que fixemos, en canto sexa posible.

Reserva de praza para o centro adscrito, IES Cabo Ortegal

O alumnado que neste curso 2022-2023 cursa 6º de Educacion Primaria inicia a partir do 16 de xaneiro de 2023 o proceso de reserva de praza no IES Cabo Ortegal para o curso 2023-2024.

Calendario:

Solicitudes: 16 de xaneiro - 6 de febreiro.

Rexistro: 14 de febreiro.

Lista de reserva: 22 de febreiro.

Pódese presentar a solicitude:

• Telemáticamente na aplicación https://www.edu.xunta.gal/admisionalumnado/
• A través da SEDE DA XUNTA
• Presencialmente no centro educativo CEIP Manuel Fraga Iribarne.

Se se autorizan as comprobacións de datos polos proxenitores non é preciso entregar ningunha outra documentación á parte dos anexos I e II.

Documentación descargable.

Anexo I (Solicitude)  e Anexo II en GALEGO

Anexo I (Solicitud) y Anexo II en CASTELLANO

Manual para as familias

Normativa relacionada

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
• Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

  Aquí vos deixamos un felicitación de Nadal realizada con traballos plásticos do noso alumnado. Que mellor xeito de felicitarvos????             

  "Unha pinga de ledicia, un belisco de amor , un chisco de ilusión, e toda a maxia dos/as nosos/as nenos/as fará que estea lista a receita para que este Nadal sexa o mellor."                                                                               

O venres 25 de novembro ás 11:30 dirixímonos cara o Concello, onde nos agardaban para facer un acto que fixera  visible as inquedanzas sobre a Violencia de Xénero. Alí plantámos cara coas nosas peticións. Algúns/has nenos /as leron unhas  fermosas poesías. Tamén gardamos un minuto de silencio para recordar a todas as vitimas desta lacra social. Un pequeno xesto que debe servir para seguir traballando para conseguir que  esta situación mude.