Señoras e señores, collan o seu libro favorito, póñanse cómodos/as e que comece a diversión! Este curso Luscofusco- A casiña das letras abre as súas portas por todo o alto! Dende o equipo de biblioteca decidimos realizar unhas xornadas de portas abertas, para que o alumnado vexa que a biblioteca é un lugar dinámico, polivalente, atractivo...así realizamos dous obradoiros: un de maquillaxe terrorífica dirixido ao alumnado de Educación Primaria e outro de robótica para os máis pequenos/as do cole e o primeiro nivel de Educación Primaria. Atentos/as as seguintes entradas para ver o resultado 

Outro ano máis imos colaborar con  Mariola Solidaria( www.csmariola.com) unha empresa que xestiona a materia recolectada de xeito que se proceda ao seu tratamento en centros de clasificación e reciclado. Unha vez procesado todo o recollido dedícanse parte dos beneficios obtidos durante o proceso de xestión á financiación de proxectos humanitarios dirixidos pola ONG Global Humanitaria (nº rexistro 585703) na India. Durante a campaña que se realizará en 2024 o proxecto con que a Campaña Solidaria Mariola vai colaborar inicalmente é : "RIGHT TO EDUCATION" en BENGALA OCCIDENTAL INDIA que consiste na posta en marchade 21 centros de reforzo educativo suplementario para nenos e nenas de Primaria e Preescolar das zonas deprimidas de Murshidabad e Sunderbands.

Podedes deixar as bolsas coa roupa e calzado no salón Manuel Murguía (salón de Actos do cole) desde o xoves 26 de setembro ata o 2 de outubro, xa que o día 3 recollen cedo, xa non se poderán deixar máis bolsas.

Moitas grazas.