Eventos
PRAZO: 1-10 de xullo
O alumnado que estivo matriculado neste centro no curso 2019-2020 non precisa formalizar matrícula para o vindeiro curso.
Documentación:
Anexo III-1 (Formulario para a formalización de matrícula en educación infantil e primaria.) asinado.
No caso de separación ou divorcio será necesaria a sinatura de ambos/as proxenitores/as, agás que a patria potestade estea atribuída, con carácter exclusivo, a un deles. En ambos casos será necesario presentar a resolución xudicial correspondente para o seu cotexo polo centro educativo.
A entrega da documentación farase preferiblemente de xeito telemático enviando o impreso firmado ao correo electrónico do centro, ceip.manuel.fraga@edu.xunta.gal , ou de xeito presencial con cita previa a partir de hoxe, 30 de xuño, chamando ao teléfono do centro: 881 880 434.
Listaxe de libros de texto en formato PDF
Se ten dificultades para ver o documento PDF, pode abrir as seguintes imaxes:
- Normas e prazos.
- Libros e material de primeiro e segundo.
- Libros e material de terceiro e cuarto.
- Libros e material de quinto e sexto.
IMPORTANTE:
Non se deben mercar os libros de texto ata que se publique a resolución definitiva do préstamo de libros do fondo solidario (3º e 4º), ou a entrega de vales para a adquisición de libros (1º e 2º)
Conserve os cadernos do alumno de música e inglés deste curso para o inicio do curso 2020-2021.
Será necesario solicitar cita previa no colexio para a recollida de vales, presentar reclamacións ou consultar as listaxes de libros asignados do fondo. Medios dispoñibles: teléfono 881 880434 , email: ceip.manuel.fraga@edu.xunta.gal
SOLICITANTES DE AXUDA PARA ADQUIRIR LIBROS DE TEXTO E MATERIAL ESCOLAR ( VALES ).
Publicación de listaxes: 30 de xuño de 2020
A partires do día 30 de xuño e ata o 17 de xullo poderán recoller os vales no colexio , en horario de 11:00 a 13:30 . Os vales que non se recollan nestas datas serán entregados en setembro.
As persoas ás que non se conceda a axuda por erros na documentación, ou as que detecten algún erro no vale, terán 10 días desde a publicación da listaxe para emendar as deficiencias ou presentar a documentación necesaria.
PERSOAS BENEFICIARIAS DO FONDO SOLIDARIO (ALUMNADO DE 3º e 4º)
Publicación da listaxe provisional de solicitudes admitidas e de solicitudes excluídas: 10 de xullo de 2020
As persoas interesadas poderán formular reclamacións ata o día 15 de xullo de 2020 (inclusive).
Publicación das listaxes definitivas: 16 de xullo de 2020.
Entrega dos libros ao alumnado: ao inicio do curso escolar 2020-2021.
MATERIAL ESCOLAR.
EDUCACIÓN INFANTIL
O material escolar comprarase unha vez comezado o curso e formadas as cooperativas de aula. Prégase non mercar nada sen falar previamente coa persoa titora.
PRIMEIRO E SEGUNDO DE E. PRIMARIA.
A listaxe de material escolar será facilitado pola persoa titora.
Xa está exposta no taboleiro interior do colexio a listaxe de solicitudes admitidas e excluídas de vales para adquirir libros de texto e material escolar.
Lembramos unha vez máis que este ano non se pode facer exposición pública dos resultados.
As persoas excluídas recibirán unha notificación do colexio para informar da situación. En calquera caso pódese chamar ao colexio para concertar unha cita para a revisión da listaxe, a presentación de reclamacións, ou a recollida dos vales.
Teléfono: 881 880 434
email: ceip.manuel.fraga@edu.xunta.gal
Como adianto á publicación das listaxes provisionais e definitivas, que se fará unha vez rematado o prazo de matrícula o 10 de xullo (provisionais) e o 16 de xullo para a listaxe definitiva, facemos o seguinte comunicado informativo sobre a relación de libros que se entregarán desde o fondo solidario.
Alumnado que pasa a terceiro: desde o colexio estase a informar ás persoas solicitantes das solicitudes excluídas ou que recibirán catro libros.
Alumnado que pasa a cuarto: todo o alumnado que o solicitou recibirá a totalidade dos libros de texto.
Cadernos do alumnado que non se entregan desde o fondo solidario:
- INGLÉS “GREAT EXPLORERS ACTIVITY BOOK” (Oxford) ISBN 978-01-9450-760-8
- MÚSICA “MELODÍA 4” (Galinova) ISBN 978-84-9737-239-8
Para calquera asunto deberá solicitar cita previa no teléfono 881 880 434.
Horario de atención ao público: de 10:00 a 13:30 horas.
![Events at <em>CEIP Manuel Fraga - Cariño</em> Distribuir contido](/centros/ceipmanuelfraga/misc/feed.png)