Estade moi atent@s!!!!!!!

Dende o curso 2013-2014, a nosa biblioteca escolar conta coa posibilidade de ofertar libros electrónicos aos seus usuarios. Comezamos con tres e agora xa temos sete libros. Ao principio do proxecto E-LBE, os libros electrónicos permanecían nas titorías. Neste curso académico 2015-2016, o alumnado terá a posibilidade de utilizar os ebooks na propia biblioteca do centro en dúas situacións ben diferentes: na hora de biblioteca co seu titor ou só a partir de terceiro de primaria na hora do recreo.

Na nosa biblioteca Plambe os verdadeiros protagonistas son os alumn@s colaboradores. Como xa sabedes realizan tarefas propias de bibliotecari@s. Unha das súas funcións é a de xestionar o uso e estado dos libros electrónicos na hora do recreo. Estas son as súas funcións:

1. Colocar os libros electrónicos por orden na mesa indicada.
2. Na hora do recreo serán os encargad@s de xestionar os empréstitos dos libros electrónicos.
3. Recordarán ao resto do alumnad@ que a lectura realizarase na zona de butacas.
4. Unha vez rematada a lectura, supervisarán que cada dispositivo quede na súa funda.
5. Por último, supervisarán o estado dos ebooks e avisarán ao profesorado competente no caso de ser necesario.

Seguide atentos e atentas a noso blogue para seguir as novidades en libros electrónicos!!!!!!!!!!

Os Proxectos Documentais Integrados están moi relacionados didácticamente cos Traballos por Proxectos e as Unidades Didácticas Integradas xeneradas do traballo para as Competencias Básicas. Seguen uns pasos bastantes comúns que finalizan coa elaboración dun produto que hai que compartir cos demáis. Así os podemos definir:

Os proxectos documentais integrados (PDI) son actividades nas que o alumnado, ademáis de investigar sobre un tema ou problema concreto, familiarízase cos mecanismos de búsqueda de información e traballo intelectual empregando os recursos documentais da Biblioteca Escolar.

Son proxectos porque se desenvolven mediante unha metodoloxía activa e colaborativa para desenvolver competencias básicas. Son documentais porque a partir dos documentos que atesouran as nosas bibliotecas escolares axudan aos rapaces e ás rapazas a construir o seu coñecemento, ser creativos e capaces de comunicar o que entenden. Por fin, son integrados porque ademáis permiten integrar aprendizaxes de diferentes disciplinas e serven para acercar o mundo escolar á vida diaria.

PRONTO COÑECEREDES O TEMA DA PDI DESTE CURSO 2015/16. PROMETE SER MOI EMOCIONANTE!!!!!!!!!