Inicio » Arquivo mensual

Novembro 2015

Novo recuncho de libros electrónicos

Dende fai unha semana contamos na biblioteca do colexio cun novo recuncho de lectura, ocupado por libros electrónicos. Os ebooks estarán dispoñibles para todo o alumnado de primaria do centro. Serán @s titores, o profesorado da biblioteca e o alumnado colaborador, os encargados de xestionar e organizar o seu uso nas diferentes situacións nas que se utilizarán. 

Se eres alumn@ de entre terceiro e sexto de primaria poderás utilizar os libros electrónicos na hora do recreo. Busca a un compañeir@ colaborador da biblioteca e pídelle un exemplar, eles explicaranche o seu uso e axudaranche no que necesites.

Contamos cunha gran variedade de volúmenes para todos os gustos. Nembargantes, estaremos encantad@s de escoitar as vosas propostas. 

 

Esperamos que os disfrutedes!!!!!!!!

Formación para os colaboradores da biblioteca

Hoxe na hora do recreo, o alumnado colaborador da biblioteca realizou unha pequena sesión de formación, impartida polo profesorado do equipo de biblioteca. A primeira parte da sesión dedicouse a un concepto moi concreto: O VOLUNTARIADO. Tod@s el@s son voluntari@s xa que responderon activamente á chamada dunha organización (equipo de biblioteca) para a participación dun proxecto (proxecto Plambe), sen recibir remuneración económica e comprometéndose cunhas tarefas, funcións e uns horarios. Para aclarar estas cuestións, realizouse o visionado de dous vídeos sobre o tema que de seguido vos deixamos (PREME NO TEXTO):

ES TÚ MOMENTO. HAZTE VOLUNTARIO

 

TIPOS DE VOLUNTARIADO

 

 A segunda parte da sesión adicouse á formación sobre a xestión, coidado e utilización dos libros electrónicos da biblioteca. 

Buscando nome ao noso proxecto

Como todos saberedes este ano a nosa PDI (Proxecto Documental Integrado) tratará sobre as emocións. Neste punto do camiño estamos na procura dun título que bautice o noso proxecto. É por iso que na entrada do colexio o equipo de biblioteca colocou unha árbore sen follas, coa idea de que entre tod@s decidamos o nome do noso proxecto. Cada clase do centro aportou as súas ideas, así como todo o mundo que por alí pasou. En breves publicaremos por fin o nome da nosa PDI.

Actuación dos Virulillos

A pasada semana o recén estreado grupo de teatro "Os virulillos" realizaron dous pases diferentes da súa obra "O outono". O primeiro pase foi interpretado para os nenos e nenas de educación infantil que aplaudiron con moitas gañas ao final da obra. 

Co gallo da celebración do magosto e do día do peón, o venres Os Virulillos voltaron a escena, desta vez ante un público de maior idade, os seus compañeiros de primaria, que celebraron con vítores a boa actuación deste xoven grupo de teatro. 

Revista literarias infantís

Revista Babar (Preme na imaxe se queres visitala)

Revista El Árbol rojo

 

Revista Imaginaria

Recursos na rede

Preme na imaxe para disfrutar da mellor colección de contos curtos para educar nen@s alegres e con valores.

Primeiros ensaios dos Virulillos

O grupo de teatro “OS VIRULILLOS”, colaboradores da Biblioteca Escolar, están ensaiando unha obra de teatro “O OUTONO”, para representar na festa do magosto que se vai celebrar no colexio o venres, día 13 de novembro.

 

Adela actúa no papel de mestra que ensina aos seus alumnos a recitar e escribir poesías. Adrián, Silvia, Álvaro, Cecilia, Ana Beatriz, Pablo, Lorena, Aitana e Marta son o resto de protagonistas. Margarita e Luli son as profesoras do equipo de biblioteca encargadas do grupo de teatro.  

Horario da biblioteca

A nosa biblioteca ten un horario moi amplio. Queremos que poidas visitala sempre que queiras. Os horarios da biblioteca son os seguintes:

 

Horario xeral initerrumpido de 9:35 a 14:35

Visitas do alumnado cos seus titores

 

Horario de recreo de 12:20 a 12:50

Alumnado de primaria baixo a supervisión dunha mestra da biblioteca e catro nen@s colaborador@s

 

Horario de tarde de 16:00 a 18:00

Todos os días da semana excepto os martes

 

Como xa dixemos en moitas ocasións, o alumnado colaborador é o corazón da biblioteca do colexio. Eles e elas realizan gran parte do traballo da biblio e axudan a que todo funcione. Este é seu horario de gardas de biblioteca:

Proxecto E-LBE: Os libros sen tinta

Dende o curso 2013-2014, a nosa biblioteca escolar conta coa posibilidade de ofertar libros electrónicos aos seus usuarios. Comezamos con tres e agora xa temos sete libros. Ao principio do proxecto E-LBE, os libros electrónicos permanecían nas titorías. Neste curso académico 2015-2016, o alumnado terá a posibilidade de utilizar os ebooks na propia biblioteca do centro en dúas situacións ben diferentes: na hora de biblioteca co seu titor ou só a partir de terceiro de primaria na hora do recreo.

Na nosa biblioteca Plambe os verdadeiros protagonistas son os alumn@s colaboradores. Como xa sabedes realizan tarefas propias de bibliotecari@s. Unha das súas funcións é a de xestionar o uso e estado dos libros electrónicos na hora do recreo. Estas son as súas funcións:

  1. Colocar os libros electrónicos por orden na mesa indicada.
  2. Na hora do recreo serán os encargad@s de xestionar os empréstitos dos libros electrónicos.
  3. Recordarán ao resto do alumnad@ que a lectura realizarase na zona de butacas.
  4. Unha vez rematada a lectura, supervisarán que cada dispositivo quede na súa funda.
  5. Por último, supervisarán o estado dos ebooks e avisarán ao profesorado competente no caso de ser necesario.

Seguide atentos e atentas a noso blogue para seguir as novidades en libros electrónicos!!!!!!!!!!

 

Powered by Drupal - Design by artinet