ACTIVIDAES COMPLEMENTARIAS E EXTRAESCOLARES

Exposición "PATRIMONIO GALEGO"

Mar, 19/06/2018 - 18:48 — Anónimo

Durante este curso escolar leváronse nas aulas de infantil e primaria diferentes actividades relacionadas co patrimonio galego. Os traballos do alumnado están expostos na entrada do colexio. Podedes ver algunhas fotografías das obras na GALERÍA.

FESTIVAL LETRAS GALEGAS

Xov, 17/05/2018 - 16:33 — Anónimo

ACTUACIÓNS DO 1º PASE

ACTUACIÓNS DO 2º PASE

LETRAS GALEGAS 2018

Mar, 24/04/2018 - 19:23 — Anónimo

Xa tedes á vosa disposición na web do Seminario Galán numerosa información sobre a autora homenaxeada no Día das Letras Galegas, 2017, María Victoria Moreno, así como diferente material didáctico, en PDF e en rede para todos os cursos de educación primaria e educación infantil. Ás actividades en liña tamén se pode acceder directamente dende esta páxina web (barra lateral dereita).

Día do libro

Mar, 24/04/2018 - 18:45 — Anónimo

O luns 23 de abril celebramos o Día do Libro no colexio. Grandes e pequenos compartiron diferentes lecturas dende as 11:10 da mañá ata a hora do recreo. O alumnado de 6º, 5º e 4º encargouse do alumnado de Infantil, 1º, 2º e 3º. Podedes ver o vídeo coas fotos da actividade premendo na imaxe seguinte.

"Pakolas" en Galán

Mér, 11/04/2018 - 13:50 — Anónimo

O pasado 15 de marzo visitou o noso colexio Paco Cerdeira, "Pakolas" e o alumnado tivo a sorte de asistir ao seu concerto.

Paco Cerdeira é un músico, compositor e produtor con unha longa traxectoria no mundo da música. Leva xa trece anos adicado ao público infantil. Comezou traballando no grupo "Mamá Cabra" como músico, técnico de son e produtor dalgún dos seus espectáculos, cos que acadaron varios premios e recoñecementos.

No ano 2014, decide formar a súa propia banda e así nace "A Gramola Gominola". Crea cancións para un proxecto musical totalmente diferente ao visto ata ese momento, tendo como eixe central o Rock and Roll, explorando e mostrando moitos estilos da música contemporánea ligados ao rock.

No ano 2015 comeza o seu proxecto en solitario, "Pakolas", e nace así unha nova proposta. Segue traballando así con letras e composicións propias e co mundo dos contos.

Pakolas ofreceunos un espectáculo divertido, dinámico e participativo, cheo de enerxía e bo facer; espectáculo onde alumnado e profesorado disfrutamos ata o último acorde das súas cancións.

Pakolas

Galán na radio

Mér, 11/04/2018 - 13:41 — Anónimo

O pasado venres estivo a nosa compañeira Mª Jesús Pombo López, coordinadora de Voz Natura, no programa de Radio Voz "Voces de Galicia". Podedes escoitar a entrevista premendo na imaxe e accedendo ao arquivo do venres 6 de abril; a entrevista comeza a partir do minuto 49:15.