CEIP de Galán |

Información Secretaría.

Ven, 01/07/2016 - 17:45 — admin

Dende o pasado mes de maio o centro conta cunha auxiliar administrativa nomeada pola Consellería.

Festival Fin de Curso

Mér, 29/06/2016 - 19:08 — Anónimo

Para ver todos os vídeos das diferentes actuacións do festival de fin de curso premede AQUÍ.

"Toca disfrutar!".

O mércores 22 de xuño celebrouse no colexio o festival de fin de curso con actuacións dos diferentes cursos de infantil e primaria. Para ver as fotos premede AQUÍ. Os vídeos estarán dispoñibles ao longo desta semana.

Queríamos darlle as grazas a Mariña por compartir con nós as súas fotos e vídeos.

AbalarMóbil para as familias

Sáb, 04/06/2016 - 19:41 — admin

Aplicación que permite ás familias consultar a información dos seus fillos e fillas a través do teléfono móbil ou tablet dende calquera lugar, de forma cómoda e rápida.

Información na imaxe AbalarMóbil

Novas: Cambio de número de teléfono

Mér, 04/05/2016 - 12:47 — admin

Número de teléfono:

881880903

Número de fax:

881880906

(operativos a partir do xoves 5 de maio)

LETRAS GALEGAS 2016

Sáb, 16/04/2016 - 14:33 — Anónimo

Xa tedes á vosa disposición na web do Seminario Galán numerosa información sobre o autor homenaxeado no Día das Letras Galegas, 2015, Manuel María, así como diferente material didáctico, en PDF e en rede para todos os cursos de educación primaria e educación infantil. Ás actividades en liña tamén se pode acceder directamente dende esta páxina web (barra lateral dereita).

Tamén podedes atopar este mesmo material, xunto con outros achegados por outros centros educativos, na páxina da coordinadora de ENDLG.

MANUEL MARÍA

VIII CONCURSO DE NARRACIÓNS BREVES EN FAMILIA

Lun, 29/02/2016 - 21:22 — Anónimo

Premede na imaxe para ver as bases do "Concurso de narracións breves" organizado polo Equipo de Dinamización da Lingua Galega. A data límite para participar é o 8 de abril.

Fotos Entroido 2016

Mar, 09/02/2016 - 13:04 — Anónimo

Xa están na "Galería" as fotos do entroido.

VISITA DUN FELO DE MACEDA

Mar, 09/02/2016 - 12:29 — Anónimo

O pasado xoves, 4 de febreiro, visitounos no colexio un felo de Maceda. O protagonista desta visita era Jorge Fernández Carballo, membro da Asociación Felos da Corga da Serra e antigo alumno de Galán, que viña co traxe de felo da súa terra natal.

Jorge explicoulle ao alumnado de infantil, primeiro e segundo as características da súa indumentaria e das costumes e tradicións que arredor desta figura se manteñen vivas polas terras de Maceda.

Someteuse ás preguntas do alumnado e deulles un recital de chocas. Unha auténtica marabilla!

Máis fotos na Galería.

ENTROIDO 2016

Ven, 29/01/2016 - 19:36 — Anónimo

Ao longo da vindeira semana faremos os "Mandadiños"; cada día viremos ao colexio cun adorno determinado. Os adornos son acumulativos; é dicir, o luns traeremos un atavío, o martes traeremos o atavío do luns máis outro, e así sucesivamente.

Na entrada principal xa está o esqueleto do colexio para indicarlle ao alumnado o que hai que levar cada día.