ENTROIDO 2016
Ao longo da vindeira semana faremos os "Mandadiños"; cada día viremos ao colexio cun adorno determinado. Os adornos son acumulativos; é dicir, o luns traeremos un atavío, o martes traeremos o atavío do luns máis outro, e así sucesivamente.
Na entrada principal xa está o esqueleto do colexio para indicarlle ao alumnado o que hai que levar cada día.
Neste luns invernal
Se queres vivir con gozo
Non esquezas adornar
con xeito o teu pescozo
Se queres subir moi alto
E viaxar o martes á lúa
Non esquezas a importancia
De adornar a túa cintura
O astronauta na nave
Caerá do revés
Se o mércores non traes
Algo nos pés
Dixeron as estrelas
A lúa e o ancho mar
Que o xoves na cabeza
Algo debes levar
O venres 5 de febreiro celebraremos o entroido cun desfile fóra do colexio, se o tempo acompaña. Este ano, a temática dos disfraces dos diferentes cursos será a multiculturalidade. Encabezarán o desfile as nenas e os nenos de 6º de Primaria e irán saíndo detrás os diferentes niveis ata Infantil.
No caso de chover faremos un desfile alternativo polos corredores do colexio.
Ao longo da semana soará pola megafonía do colexio o tema "O antroideiro" de Paco Nogueiras.
