Skip to Content

Festa Voz Natura 2017

Mar, 09/05/2017 - 17:51 — admin

Estimadas familias:

O sábado 3 de xuño celébrase en Acea de Ama a festa Voz Natura á que poden asistir alumnado e familias.

O servizo de Transporte da Xefatura Territorial modificou a data do 19 de maio, enviada na circular de hoxe.

A data para enviar o nome da empresa de transporte co número de viaxeiros remata o 15 de maio.

Para solicitar o servizo teríamos que contar cun número mínimo de persoas que queiran ir e volver en autobús. O autobús sairía do centro.

Ligazón á páxina de Voz Natura

Grazas pola súa colaboración.

"ESTATÍSTICA" DATOS E ALGO MÁIS

Lun, 24/04/2017 - 16:39 — Anónimo

Os días 26 e 27 de abril, o alumnado de 6º de Primaria realizará un taller de estatística.

Esta actividade foi proposta pola Universidade de A Coruña para este centro escolar.

Colaborará alumnado desta Universidade e profesorado da mesma.

                                                                                                                OBRADOIRO

Campamentos de verán 2017 en Galicia

Mér, 19/04/2017 - 18:18 — admin

DOG campamentos de verán 2017.

Para idades entre 9 e 17 anos.

LETRAS GALEGAS 2017

Mar, 04/04/2017 - 16:51 — Anónimo

Xa tedes á vosa disposición na web do Seminario Galán numerosa información sobre o autor homenaxeado no Día das Letras Galegas, 2016, Carlos Casares, así como diferente material didáctico, en PDF e en rede para todos os cursos de educación primaria e educación infantil. Ás actividades en liña tamén se pode acceder directamente dende esta páxina web (barra lateral dereita).

Na seguinte ligazón tedes acceso ás biografías de Carlos Casares e a tres textos en linguaxe de signos:

http://tv.uvigo.es/es/serial/2943.html

Nos arquivos adxuntos tedes á vosa disposición outro material (marcapáxinas, díptico, a biografía de Carlos Casares e unha adaptación teatral da obra "A galiña azul").

Tamén podedes atopar este mesmo material, xunto con outros achegados por outros centros educativos, nas seguintes páxinas:

                                                                                                              CARLOS CASARES

NAVEGA CON RUMBO

Mar, 04/04/2017 - 16:32 — Anónimo

O "Plan Navega con Rumbo" é unha das iniciativas que se están a promover desde a Xunta de Galicia dentro do Proxecto Abalar.

O obxectivo é que as rapazas máis novas e os rapaces máis novos tomen conciencia dos beneficios e riscos que supón a navegación polo ciberespazo en toda a súa extensión, tanto a través das páxinas web como tamén das redes sociais, das que cada vez son usuarios máis asiduos.

O alumnado de 5º de primaria recibiu hoxe unha charla sobre este tema; charla impartida por membros do Colexio de Enxeñaría en Informática de Galicia (CPEIG).

                                                                                                   NAVEGA CON RUMBO

 

SEMANA DA FROITA

Mar, 28/03/2017 - 18:18 — admin

Seguimos emocionándonos coa froita!

Esta semana, do 27 ao 31 de marzo temos a segunda semana da froita.

Degustaremos plátano, mazá, amorodos, pera e kiwi.

COIDEMOS O NOSO COLEXIO

Sáb, 25/03/2017 - 20:23 — Anónimo

Estimadas familias:

Xuntamos un díptico acerca do coidado do centro coa finalidade de recordar a súa historia, valorar os logros acadados ao longo de todos estes anos e a necesidade de transmitir aos novos membros da comunidade educativa a importancia de traballar xuntos cara á súa mellora.

Tamén aproveitar a ocasión para educar aos alumnos e ás alumnas na obriga cívica que teñen de coidar, respectar e valorar os bens comúns que comparten.

Nas titorías faranse traballos específicos acerca do tema. Podedes ver no arquivo adxunto a unidade didáctica.

Haberá unha exposición na entrada do centro que se publicará na páxina web.

Agradeceríamos que deixen ideas e propostas de mellora na caixa de suxestións instalada na planta baixa.

Traballemos xuntos por unha boa formación para todo o alumnado co centro.

Premede na imaxe para ver o díptico.

                                                           COIDEMOS O NOSO COLEXIO

 

ENTROIDO 2017

Dom, 05/03/2017 - 16:36 — Anónimo

O pasado xoves 23 de febreiro celebramos no colexio o entroido. Xa están dispoñibles as fotos e os vídeos.

FOTOS ALFOMBRA

FOTOS PASACALLE

VÍDEOS

DÍA DA PAZ E DA NON VIOLENCIA

Mar, 31/01/2017 - 18:20 — Anónimo

Onte celebrouse no colexio o Día da Paz. Debuxouse no chan do pavillón unha pomba e escribiuse a palabra "PAZ". Ás 11 horas reuniuse todo o alumnado e o profesorado. Tras colocarnos en forma de pomba e facendo uso das letras da palabra "PAZ", cantamos a canción "No dudaría" (interpretada por Antonio Flores); canción que as nenas e os nenos aprenderon na clase de música e que soará ao longo desta semana pola megafonía. Ademais, como todos os anos, houbo sorrisos para regalar.

Durante estes días realizaránse diversas actividades: elaboración de murais, recollida de noticias relacionadas coa paz, recollida de acontecementos bos do colexio, proxección de curtas na biblioteca durante o recreo... 

                                                                                                  DÍA DA PAZ

 

Entrega de froita a Cáritas-Oseiro

Mar, 31/01/2017 - 17:55 — Anónimo

Ao longo da semana pasada o alumnado tomou froita durante os recreos. Dado que a coordinadora da actividade constatou que había moita cantidade, preguntoulle ao alumnado que podíamos facer coa froita que sobraba. Entre as propostas aportadas houbo unha que gustou á maioría do alumnado: ceder a froita a quen o necesite. Así que o venres, representantes dos diferentes niveis, acompañados/as dunha mestra, realizaron a entrega a un voluntario de Cáritas. Dito voluntario explicoulles que a organización atende a varias familias da parroquia; familias ás que se lle fai entrega de produtos básicos cada quince días. 

Podedes ver fotos na Galería.

 

Distribuir contido


by Dr. Radut