Comedor escolar

Dende o servizo de comedor escolar tiñamos programado para o venres 8 de marzo seguir cos menús de comida internacional. Pero, debido a folga con motivo do Día Internacional da Muller Traballadora, pospoñemos o menú do continente europeo, para o seguinte venres, 15 de marzo, coa seguinte proposta:

1º- Ensalada César (leituga, polo, pan torrado, parmesano e mollo César: ovo, anchoas, aceite de oliva, sal, allo, vinagre e parmesano).

2º- Quiche Lorreine (masa brisa, ovos, leite, panceta, queixo relado, sal).

Ver receitas nos anexos.

Postre- Macedonia (mandarina, uva e frambuesa).

Que aproveite! ¡Que aproveche! Καλη Ορεξη! Bon appétit! 

Dende o servizo de comedor escolar seguimos esta semana cos menús de comida internacional.
Deste xeito, o venres, 8 de febreiro, continuamos polo continente americano, co seguinte menú:
1º- Mazorca de millo (mazorca con manteiga e sal, ao forno)
2º- Burrito mexicano (tortilla de trigo, carne mixta picada e rustrida, queixo, perexil, allo e leituga) con guacamole (aguacates, cebola picada, cilantro, lima e tomate). Ver receitas nos adxuntos.
Postre- Cherimoia.

Bo proveito!! ¡¡Que aproveche!! Enjoy your meal!!

Comunicamos que se produciron varias baixas entre os pais/nais colaboradores do servizo de comedor por incompatibilidade cos seus horarios laborais.

Necesitamos urxentemente pais e/ou nais que poidan desempeñar esta labor entre as 14:30h e as 16:30h. Nos próximos días xa non dispoñemos dos 15 colaboradores/as necesarios.

Se están dispostos a colaborar, rogamos chamen ao centro (881866083) ou no correo comedor@pedrouzos.gal

Publicamos os menús do comedor escolar  do primeiro trimestre deste curso.

 O Consello Escolar do martes, 24 de xullo de 2018, acordou:

 1-Publicar as listaxes de usuarios de servizo de comedor

 2-Habilitar un espazo provisional na entrada de infantil ampliando as prazas de servizo de comedor ata un máximo de 386 comensais

3-Non aceptar a proposta de eliminar a entrada de infantil como espazo educativo, sustituíndoo por un espazo cuberto diante da cociña.

 4-Solicitar a Consellería a actualización das Becas de usuarios do servizo de comedor, axustándo o número de comensais aos espazos dispoñibles nos dous comedores.