Durante este trimestre estivemos facendo diferentes actividades cos nenos/as de Educación Infantil relacionadas coas TIC (Tecnoloxías da Información e a Comunicación). Podemos dividir en tres os tipos de actividades, as realizadas na aula (como recuncho) e as que teñen lugar na sala de ordenadores (todo o grupo) ou ca pizarra dixital (en pequenos grupos ou o grupo enteiro) na sala de psicomotricidade ou na biblioteca. As actividades principais que se realizan nos ordenadores son as de manexo do rato (cos diferentes programas e software), debuxo e inicio á lecto-escritura, con programas como o Tux-Paint. Precisamente con este programa (de software libre e descargado de internet) os nenos/as fixeron diversos debuxos ó longo do trimestre, que agora podedes ver na web da escola e na galería de imaxes, onde tedes un álbum con algúns dos debuxos feitos co ordenador polos nenos e nenas de Educación Infantil (tamén os de 3 anos). Esperamos que vos gusten.
Premede neste debuxo para ve-los demais:
Saúdos,
Pilar Vidal
