FORMALIZACIÓN DE MATRÍCULA PARA NOVO ALUMNADO - CURSO 2024/25

O prazo para formalizar a matrícula do NOVO ALUMNADO que  foi admitido no noso centro para o curso 2024/2025, ábrese o día 20 de xuño ata o 30 de xuño.  Para facer calquer modificación na matrícula do alumnado que xa está no centro, deberá facerse no mesmo prazo.

O horario de secretaría é  9:30 h. a 13:30 h. de Luns a Venres. 

Documentación para a matrícula:

• Anexo III - 1.
• Fotocopia do DNI dos proxenitores e do menor, se o tivese.
• Fotocopia do Libro de familia.
• Certificado de empadroamento actualizado da unidade familiar.
• Fotocopia da tarxeta sanitaria e cartilla de vacinas.
• Autorización de permiso de imaxe.
• Autorización saídas extraescolares.
• Autorización saídas de centro.
• Autorización saída dende transporte escolar, recollida outros, etc
• Certificado que acredite minusvalía do alumno/a, se procede.
• Sentenza xudicial de separación ou divorcio ou de ser o caso, convenio regulador onde conste a atribución da custodia do/da menor.
• Cuestionario de alerxias e intolerancias alimentarias, se procede.
• Enquisa uso familiar lingua.
• Cuestionario uso da lingua.
• Solicitude de transporte escolar.
• Solicitude de comedor escolar.

TODAS AS SOLICITUDES DEBEN VIR FIRMADAS POLOS DOUS PROXENITORES.

Poden descargar os impresos na web ou recollelos en CONSERXERIA.

Deben traer as copias feitas así coma os orixinais para o caso de que se precise o seu cotexo. Non é preciso traer aquela documentación presentada durante o proceso de admisión (empadroamento, libro de familia...) a non ser que cambiase a súa situación.

Recoméndase consultar asiduamente a páxina web do centro, xa que será nese medio onde se informe dos prazos, documentación, etc.