blogue deadmin

Aquí temos outra cantiga que ten que ver cos nosos bosques.

Neste caso traemos unha cantiga dunha fermosa carballeira que hai no lugar de S. Xurxo de Sacos, no concello de Cotobade. Nela  está un cruceiro e unha capela na que todos os 5 e 6 de agosto celébrase unha afamada romaría.

Carballeiras como estas aínda quedan en Galicia. Fai uns cantos séculos,  plantáronse moitos carballos para poder construir os barcos das distintas armadas dos reis de España nos asteleiros de Ferrol.

Deste xeito,  as distintas parroquias tiñan a obriga de coidar e podar estas árbores. A madeira era aproveitada para  as distintas partes dos barcos, pero tamén para facer bocois, mobles, carbón, …

Aquí cerca da nosa parroquía, na parroquía de Matamá, había unha importante carballeira, que desgrazadamente co paso dos anos foise perdendo. Igual que pasou nas distintas parroquías de Vigo.

II Campaña de recollida solidaria de alimentos entregados ao banco de alimentos. O alumnado de 6º curso foron os que voluntariamente levaron o peso da campaña.

Agradecemos a todas as familias as aportacións realizadas.

Recibide un fraternal saúdo e que pasedes unhas BOAS FESTAS.

CEIP Coutada-Beade

E xa que isto vai de alimentación e vida saudable, teremos que comezar polo primeiro paso: A HIXIENE. 

Sabemos que é moi importante manter uns correctos hábitos de hixiene, tanto cos propios alimentos, como coas nosas propias mans para que xermes e bacterias non teñan acceso ao noso corpo e evitar así a aparición de enfermidades ou intoxicacións. 

Por iso, no inicio deste proxecto tentaremos dende as aulas facer fincapé na importancia do lavado de mans e no mellor xeito de facelo. E vós, sabedes lavar ben as mans? 

Aquí vos deixamos uns vídeos ao respecto:

 Por qué debemos lavar as mans antes de comer?

Todo se aprende mellor coa axuda dunha canción!

E se, ademais, lle poñemos un pouco de humor... mellor que mellor! Que nos dicides desta oda aos MICROBIOS?