Cando a filla de Astrid Lindgren enfermou de pneumonía en 1941 comezou a contarlle historias sobre unha nena inventada para entretela, a quen chamou Pippi. Inventou tantas e tantas historias que ao cabo acordou escribilas para lle regalar o libro para cando a súa filla cumprise os 10 anos.

A publicación das historias non chegaría deica 1945, hai 75 anos, cando gañou coa historia da nena máis forte do mundo un premio dun concurso literario convocado por unha editorial.

Pippi Mediaslongas foi traducida a máis de cen idiomas (tamén ao galego da man da editorial Kalandraka) e o seu éxito foi impulsado, ademáis, por unha serie de televisión que se estreou en 1969.

Pippi fíxonos rir coas súas tolemias: regar o xardín aínda que chovera, a súa forza capaz de levantar no ar ao seu cabalo, o seu descaro, o seu bo corazón e ... e tamén porque é a primeira nena que facía tremer de medo aos piratas malvados.

Sempre acompañada de Tommy e Anika e os seus animais, o mono chamado señor Nilsson e Pequeno Tío, un cabalo a lunares e un maletín cheo de moedas de ouro, nos mostra o mundo dende unha óptica completamente nova.

Recomendar a súa lectura é obrigado, xa que son historias desbordantes de maxinación e humor, pero antes podedes ir abrindo a boca co primeiro capítulo da serie de televisión que podedes ver aquí mesmo.

Deixámovos aquí este vídeo da Deputación de Pontevedra que, grazas aos libros, nos leva de viaxe polo mundo adiante.

Tamén no Facebook do colexio hai unha chea de viaxes, contos, etc... feitos por mestres e alumn@s que paga a pena ver.... chulísimos!!!

Como todos os anos, no tempo que vai do Entroido á Semana Santa, celebramos a nosa olimpiada do Saber.

Este ano, como andamos traballando para termos un patio distinto, onde se poda facer algo máis que xogar ao futbol, onde caibamos tod@s, coas nosas distintas afeccións e gustos, coas nosas diferenzas e as nosas semellanzas.... a Olimpíada adícase aos xogos.

Xogos populares, deportes, tradicionais, innovadores.... todo ten cabida na nosa Olimpíada.

Vén e Participa!

Comezaron a botar a andar, ou mellor a botar a ler, os amadriñamentos e apadriñamentos lectores.

Nesta acitividade os nenos e as nenas de quinto e sexto de primaria acoden ao patio de intantil a ler contos aos pequenos de tres anos.

Non só se promociona a lectura, senón que tamén se fomentan as relacións solidarias entre o alumnado do colexio, o que todos e todas valoramos como enormemente positivo.