Durante a tempada de entroido no ambiente de verbas fixemos distintas actividades relacionadas con estas datas.

Na mesa de transvases encontramos confeti para pasar duns vasos a outros, na mesa sensorial encontramos con tiras de cores para enroscar, xirar, pasar polo centro dos tubos, tapar, e crear distintos escenarios con só as tiras de cores e os tubos de cartón. 

Na mesa de grafomotricidade tivemos a creación de máscaras onde tiñan que debuxar distintas grafías, recortar, picar co punzón e por último decorar ao gusto de cada unha/un. 

Diante dun espello decoramos máscaras con distintos materiais: pedras, pompóns e diamantes. Así facíamos unha pero podíamos chegar ver no reflexo hasta tres iguais. 

Tamén adornamos máscaras seguindo a serie de cores con plumas e buscamos as parellas de distintas imaxes de máscaras de entroido.

Na mesa de lectoescritura escribimos vocabulario de entroido e tamén buscamos o nome do disfrace que tiña posto cada neno/a da imaxe. 

Lemos contos, fixemos de comer na cocina, coidamos os bebés, limpamos o espello, fixemos a cama e deixamos a clase moi moi limpa antes de irnos. 

Hoxe en mates en familia tivemos a sorte de contar con Chechu o papá de Aitor, Jessica a mamá de Lara F, Teba a madriña de Carmen F e Rocío a mamá de Martín. 

Chechu foi o responsable da carreira de dinosauros onde tiñan que tirar o dado, contar as casillas e dicir o número no que caeron, se non o sabían tiñan que volver a liña de meta. Ademais podían chegar a un stop que os tiña sen tirar una volta. 

Jessica encargouse dos animais e as súas pegadas. O ou a máis rápid@ tiña que escoller o animal e a súa pegada antes que os seus compañeiros/as. 

Rocío xogou cos monstros de moitas patas, brazos, ollos... tiraban dous dados, un tiña números e outros imaxes que lles levaban a buscar un monstro cunhas características determinadas. 

E por último, Teba tiña unhas tarxetas con números e cores. Tiñan que agrupar as ras dependendo das tarxetas que lles tocaran. 

Grazas familias por vir a pasar este ratiño con nos. 

O ambiente de verbas trasladouse a época invernal. 

Na mesa sensorial encontramos neve, animais polares, e obxectos das cores do inverno para poder crear mundos e deixar voar a nosa imaxinación. 

Na mesa de transvases traballamos con folerpas e pompóns para poder encher, colar, e recoller con diferentes culleres, pinzas...

Na zona de lectoescritura encontramos animais polares impresos, impreso xunto co seu nome e os animais. Buscamos o obxecto do animal e o poñíamos enriba da imaxe ou nome que correspondía. 

Tamén, con letras de madeira completamos as imaxes poñendo así a inicial que correspondía. Completamos palabras coas letras que despois repasamos co lapis de madeira, fixemos ditados invernais falando de animais ou cousas que tiveran que ver co inverno, por exemplo: manta, luvas, bufanda, patíns, oso polar, boneco de neve, etc.

Buscamos os gorros de cores partindo das sombras,  completamos folerpas con distintos materiais: palliñas, pompóns, pedras...

Na zona de grafomotricidade completamos as folerpas coas súas similitudes e pintamos folerpas partindo de distintos trazos. Na zona de motricidade fina escollíamos os botóns dos bonecos de neve coas pinzas e cosimos con agulla e fío folerpas.

E moitas actividades máis, coma limpar o espello, coidar os bebés, ser expertos cociñeiras e cociñeiros e sobre todo, rir e desfrutar do que estamos a facer. 

Neste segundo trimestre as encargadas e encargados de traer as súas plantas foron: Julieta, Martín, Liam, Lara F, Carmen F, Lara M e Julia. 

Esta proposta didáctica ten como obxectivo que as nenas e os nenos adquiran coñecementos sobre as plantas co fin de identificalos como seres vivos, á vez que os achega á natureza permitíndolles observar, de primeira man, o desenvolvemento das plantas e xerar hábitos de respecto e coidado cara a elas, a través de actividades lúdicas e manipulativas.

 Xa forma parte da nosa rutina diaria de coidala, regala, quitarlle flores secas...