O prazo de formalización de matrícula para o alumnado de nova incorporación ao centro, abrangue dende o 20 ao 30 de xuño.

Será preciso recoller no centro o formulario e as autorizacións a cubrir. Deberanse acompañar coa  fotocopia da tarxeta sanitaria e fotografía tamaño carnet do alumno/a.

Hoxe as nosas representantes no Consello da infancia, Galit e Jimena,  tiveron un pleno no Concello de Nigrán nas que levaron as súas propostas de mellora, que eran a instalación de composteiros comunitarios e a habilitación de zonas de aparcamento nas praias para os residentes do Concello de Nigrán.

Esperemos que teñan en conta as peticións!!

Hoxe na nosa escola tivemos a oportunidade de coñecer de preto o traballo da Garda Civil, acompañados polo alumnado e profesorado do CEIP de Mallón. Foi un día diferente e de convivencia, compartindo valores de igualdade, compañeirismo, e compromiso de axuda. Hoxe coñecemos a parte policial pero tamén o lado humano e de servizo á cidadanía deste corpo. 

 Grazas por esta oportunidade de descoberta!!

E saúdos a Cooper e Chispa, os dous canciños que nos roubaron o corazón!!

Xa podemos gozar dos dous eventos máis importantes do mes de MAIO.

Deixámosvos a ligazón á lista de reprodución do FESTIVAL DAS LETRAS GALEGAS

e outra lista para o acto de AMADRIÑAMENTO DA AULA DE 1ºEP pola escritora

EVA MEJUTO. Foron dous festivais emocionantes! Parabéns polo voso traballo!

Deixámosvos o programa para o festival das Letras Galegas, que como todos os anos está aberto ás familias no que  desfrutar dun día cheo de agarimo á nosa lingua. Dará comezo ás 10:30 e terá unha duración aproximada de 90 minutos. Un saúdo e agardámosvos!!

Todo o alumnado que presentou solicitude de admisión para o vindeiro curso 2024-25 neste centro foi admitido.

Por protección de datos, as listaxes atópanse expostas no taboleiro do interior do centro.