Xa podedes consultar as listaxes definitivas de beneficiarios no taboleiro de anuncios do interior do centro ou a través da Sede Electrónica da Xunta de Galicia na aplicación Fondolibros.

Xa podedes consultar as listaxes provisionais de beneficiarios no taboleiro de anuncios do interior do centro ou a través da sede electrónica da Xunta de Galicia na aplicación Fondolibros.

Poderedes recoller os vales de material (Toda E.Primaria), os vales de libros (1º e 2º E.Primaria), así como coñecer os libros do fondo que vos corresponden (3º, 4º, 5º e 6º E.Primaria) o martes, mércores ou xoves da vindeira semana en horario de 10:00 a 13:00 horas.

Os vales que non sexan recollidos, entregaranse a partires do 2 de setembro.

Temos o pracer de comunicarvos que a nosa curtametraxe é a gañadora do CERTAME "NÓS TAMÉN CREAMOS" na categoría de 1ºCICLO.

O detonante para realizala foi a convocatoria do certame pero gañouse moito máis no camiño.

Traballamos durante meses con moito entusiasmo e adquirimos aprendizaxes que perduraran no alumnado e profesorado máis tempo que o premio:

• Creación dunha curtametraxe de animación coa técnica do STOP-MOTION.
• Valorar a literatura e as persoas que interveñen nela.
• Comprender a transición da linguaxe escrita á musical e audiovisual.
• Desenvolver a visión plástica, creación de personaxes, análise do movemento, escenografía e música.
• Recoñecer e crear un guión gráfico, análise dos tempos-escena-planos e a relación entre o tempo-movemento e fotograma.

Compartimos tamén o  COMO SE FIXO... que é a fiel testemuña desta aventura!

Xa saiu o modelo de autodeclaración para calcular o prezo do menú do alumnado usuario de comedor.

Deberase entregar cuberto no centro. O prazo abrangue ata o día 5 de xullo.

O prazo de formalización de matrícula para o alumnado de nova incorporación ao centro, abrangue dende o 20 ao 30 de xuño.

Será preciso recoller no centro o formulario e as autorizacións a cubrir. Deberanse acompañar coa  fotocopia da tarxeta sanitaria e fotografía tamaño carnet do alumno/a.

Hoxe as nosas representantes no Consello da infancia, Galit e Jimena,  tiveron un pleno no Concello de Nigrán nas que levaron as súas propostas de mellora, que eran a instalación de composteiros comunitarios e a habilitación de zonas de aparcamento nas praias para os residentes do Concello de Nigrán.

Esperemos que teñan en conta as peticións!!

Hoxe na nosa escola tivemos a oportunidade de coñecer de preto o traballo da Garda Civil, acompañados polo alumnado e profesorado do CEIP de Mallón. Foi un día diferente e de convivencia, compartindo valores de igualdade, compañeirismo, e compromiso de axuda. Hoxe coñecemos a parte policial pero tamén o lado humano e de servizo á cidadanía deste corpo. 

 Grazas por esta oportunidade de descoberta!!

E saúdos a Cooper e Chispa, os dous canciños que nos roubaron o corazón!!