XOGADE é o acrónimo de XOgos GAlegos DEportivos en idade escolar.

 Un programa deseñado pola Xunta de Galicia co que se pretende achegarlle á rapazada  a práctica do deporte.

O noso Centro participa nel dende hai varios cursos.

Nesta ocasión,organizado polo profe JORGE de E. Física, hoxe no Ifevi celebrouse unha xornada de convivencia de atletismo para 4° de primaria e voleibol para 5° de primaria.

Participaron diferentes centros educativos da contorna do Baixo Miño, Gondomar, Nigrán e Baiona. Ali puideron gozar dunha xornada de deporte non competitivo da que desfrutaron enormemente.

Aquí deixamos as imaxes: 

No ano 1948, a Asemblea Mundial da Saúde proclamou o 7 de abril como Día Mundial da Saúde. Esta data foi escollida en conmemoración á fundación da Organización Mundial da Saúde (OMS) e coa necesidade de crear conciencia sobre as enfermidades mortais mundiais e crear hábitos sans nas persoas.

Dende o programa Edusaúde, organizouse unha andaina ata o Castelo de Santa Cruz. 

 Alí esperaba chea de enerxía NURIA GÓMEZ de FITDANCE que impartiu maxistralmente ó noso alumnado unha clase de zumba, dividíndoo por idades e trasmitínllolle toda a súa enerxía e ilusión.

Remataron agotadiños pero felices con tan magnífica experiencia!!!

Non esquecemos tampouco neste día a merenda conxunta con froita, auga e residuos cero claro!!!

Grazas ó Concello da Guarda pola súa colaboración no evento e graciñas moi especiais á mestra da actividade, Nuria.

O día deixou imaxes ben fermosas:

Seguide coidándovos e non deixedes de concienciar ás persoas que tedes cerquiña!!!!

O 21 de marzo é o día internacional dos bosques, por iso, dende o Concello da Guarda, organizouse para o alumnado de 6º unha charla:

Foi impartida polo educador ambiental Marcos Guisandes para que as rapazas e os rapaces puideran coñecer as principais características deste tipo de bosque e as especies arbóreas que medran nel...Abeleira, Abruñeiro,  Bidueiro, Capudre, Carballo, Castiñeiro, Cereixeira, Érbedo, Espiño branco, Freixo, Hedra, Loureiro, Maceira brava, Oliveira, Pereira brava, Pradairo, Sabugueiro, Salgueiro, Sanguiño, Sobreira, Teixo .

Para rematar a xornada o alumnado puido  aprender xogando os nomes das árbores en galego, tendo máis adiante unha excursión ao Campus Lagoas-Marcosende en Vigo, onde poderán ver e tocar exemplares das vintecinco árbores autóctonas.

MOI BOA EXPERIENCIA. GRACIÑAS!!!

A nosa hortiña empeza pouco a pouco a porse en marcha...

En outubro baleirouse  o composteiro e abonamos todos os bancais. Agora tocou arrincar malas herbas e  prantar. Nesta ocasión foron: patacas, chícharos, cebolas e leitugas.

Participaron nestes labores hortícolas o alumnado de Infantil de 3 anos e os de 1º, 2º 4º e 5º de primaria. 

Agora algo de rego cando sexa preciso e esperar que medre a nosa colleita desexando que a friaxe dos meses vindeiros non a estrague... 

GRACIÑAS POLO ESFORZO A ALUMNADO E PROFESORADO!!!

XOGADE é o acrónimo de XOgos GAlegos DEportivos en idade escolar. Un programa deseñado pola Xunta de Galicia co que se pretende achegarlle á rapazada  a práctica do deporte.

Abrangue múltiples disciplinas e, no noso caso, organizado polo profe Jorge de E.Física, o alumnado de 4º de primaria gozou no patio dunhas xornadas de iniciación ó atletismo.

Fomentar o deporte nos máis novos e novas garántenos contar con bos deportistas e atletas no día de mañá, e o que é máis importante, consolidar eses hábitos que mellorarán a súa  calidade de vida.

Ademáis gozaron moito da actividade como se pode comprobar nas imaxes: