Organizado polo Departamento de Orientación, como cada ano o alumnado de 6º tivo unha xornada de convivencia  e foi a coñecer o centro de educación secundaria ó que acudirán o curso que vén, o IES A Sangriña.

Recibiunos a Orientadora Ánxeles Martinez , a vicedirectora e a profesora de P.T no salón de actos:

Alí, alumnado de 2º da ESO contoulles a súa experiencia no cambio de etapa .

A orientadora Ángeles Martínez, explicoulles como ía ser 1º da ESO e respostou a cantas dúbidas xurdiron.

De seguido, deron un paseo polo centro e coñeceron varias aulas e profesorado : os laboratorios e a biblioteca.

Por último, foron coñecer os patios e compartiron uns minutos  con alumnado co que estudiarán o próximo curso.

Remataron a xornada  cun agasallo para ir afacéndose ó que será o seu Centro o vindeiro curso:

Desexamos que lles vaia moi ben!

O alumnado de E. Primaria, de 1º a 5º desfrutou dunha xornada de xogos no parque de HUMOR AMARILLO en Vigo.

Ó chegar cada grupo tiña un monitor ou monitora asignado. Guiounos polas diferentes actividades, que tiñan un tempo establecido, había percorrido pola tela de araña, salto na cama elástica esquivando uns rolos que  xiraban, tirar da corda, carreira de dragóns, loita sobre o tronco, inchables, loitadores de sumo, fútbol con balons gigantes...

Para repoñer forzas despois de tanto movemento, comeron alí e regresaron ó Centro cansados/as  pero felices pola experiencia vivida.

Unha magnífica xornada da que deixamos aquí algunhas imaxes:

Organizado polo Concello da Guarda para todo o alumnado de 2º de primaria da Vila, este obradoiro dividiuse en dúas partes:

Primeiro un debate en clase respondiendo á pregunta: que lle pediriades ó Concello para a vosa vila? Reflexionando sobre aspectos educativos, sociais, medioambientais ou de infraestructuras.

Posteriormente e xa  nas dependencias do Concello,  fixeron un obradoiro no que converteron as  ideas que foran saíndo nas aulas nun modelo creativo en 3 dimensions empregando estructuras de ensamblaxe de papel.

Tiveron a visita do alcalde e os concelleiros e o alumnado transladoulles as súas peticions: arraxar a alameda e porlle unha tirolina, pistas deportivas, un carril bici ata Camposancos, pistas deportivas e ata un zoo e un parque de atracciones… Por pedir que non sexa!!!

Escolleron 5 propostas, 5 equipos e mans a obra!!!Sobre papel continuo, nun mapa da Guarda foron buscando e explicando os emprazamentos para as súas propostas.

INTERESANTE EXPERIENCIA!!! GRACIÑAS!!

Hai corenta anos que a Asemblea Xeral das Nacións Unidas fixou o 5 de xuño como Día Mundial do Medio Ambiente, para fomentar a sensibilización sobre o coidado da natureza.

 A data conmemórase con múltiples actividades arredor do planeta. Dende o Ceip A Sangriña tamén quixemos sumarnos a esta data e así dende EDUSOSTENIBILIDADE organizaron unhas andainas centradas no noso monte Santa Trega.

Así, o alumnado de E.Infantil fixo unha pequena andaina ata o Montiño. No 1º ciclo camiñaron ata a zona de Chans. No 2º ciclo achegáronse ó Castro de Mergelina e de Santa Trega onde gozaron dunha visita guiada. O alumnado máis maior, do 3º ciclo, accedeu ó museo de Santa Trega e a Capela nunha estupenda visita guiada. 

Fermosas imaxes que ensinamos aquí: 

Acaba de nacer...sorpresa, sorpresa!!!A radio chega ó noso Centro!!!

Pechamos o mes de maio co primeiro programa de...

"Pepiño nas Ondas"

Durante este mes de maio moito do noso alumnado tivo o primeiro contacto coa Radio do Cole, foron pasando por alí para gravar .

Como non, este primeiro programa está adicado a Luísa Villalta, a homenaxeada no día das Letras Galegas. É o primeiro dos moitos que imos facer.Agardamos que sexa do voso agrado!!!

Aquí deixamos o enlace para que nos escoitedes: