Ao inicio de curso comezamos este proxecto tomando medidas da sombra dunha pica que colocabamos a mesma hora no centro da pista de futbito. Estas información era anotada polos encargados de cada equipo nunha folla exposta no taboleiro da clase. Os nenos e nenas ao mesmo tempo que se iniciaban na observación de como ía medrando a sombra traballaban na adquisición de contidos sobre o universo,  a Terra e os seus movementos, a inclinación do eixe de rotación da Terra, o clima. os equinocios , os solsticios...

Á volta de vacacións de Nadal, observamos que a sombra comezaba a minguar, e empezamos a dar explicacións de por que pensabamos que ocorría isto. Este proxecto quedou interrompido no mes de marzo polo confinamento. A pretensión era que despois da observación e dos contidos traballados chegaramos a conclusión da importancia do eixe de rotación da Terra que orixina as estacións do ano e que fai que os raios solares quenten máis ou menos segundo a inclinación do seu eixe.Sendo isto máis importante que a distancia que separa a Terra do Sol.

Polas Letras Galegas, o alumnado de 2º de primaria, fixo unhas actividades interactivas que xurdiron dun texto de Ricardo Carvalho Calero extraído do libro “As pitas baixo a choiva” nas que aprenderon vocabulario específico da meteoroloxía e diferenciaban tipos de chuvias e de ventos. Preme na imaxe para acceder á ficha interactiva completa.

O alumnado de 1º de primaria traballou de maneira cooperativa as estacións do ano.

Durante o curso tamén se leron contos, traballaron cancións e visualizaron vídeos relacionados co tema:

• Contos:

- “Bajo una seta” (solidariedade)  https://www.youtube.com/watch?v=o1FcvkBiCQk
- “Hace frío”.
- “Poemas con piruleta” Carlos Fontes. Editorial Galaxia.
- Lecturas ¡Pon, pon!:Con poemas como “No importa que llueva”, trabalinguas, adiviñas …

• Cancións:

-Canción con pictogramas. Las estaciones. https://www.youtube.com/watch?v=0lEMEzDMdVI
- “Los días de la semana cyl y signos” (en lingua de signos) https://www.youtube.com/watch?v=lIrSoux3yGU

• Outros vídeos:

- “O ciclo da auga”    
https://www.youtube.com/watch?v=kMF6noE4C60
https://www.youtube.com/watch?v=C2hIxCfl2Gs

Tamén aprenderon algúns refráns que fan alusión a fenómenos atmosféricos ou aos meses:

• Cando haxa xiada, queima a ramalla.
• Se en marzo canta a ra, en maio xa calará.
• No mes de San Xoán, pícanlle as pulgas no rabo ao can

O alumnado de 2º de primaria  foi o encargado de recoller os datos da nosa caseta meteorolóxica durante 2 semanas no mes de febreiro.

Despois rexistraron os datos no recuncho do bibliocastelo dedicado ás meteoescolas.