O TEMPO MADE IN BUEU
THE WEATHER
Enviado por Marta Valbuena o Lun, 31/05/2021 - 22:03Nesta entrada ides ver como se traballan as Meteoescolas nas clases de inglés dos peques do colexio:
Educación infantil: Ao inicio de cada sesión, despois dos saúdos e de dicir o día no que estamos (día da semana e día do mes), describimos o tempo atmosférico respondendo á pregunta "What's the weather like?". O alumnado observa o exterior e decide que tempo fai hoxe (sunny, cloudy, rainy) con apoio xestual.
1°EP: Ao inicio de cada sesión, despois de ver a data e a estación na que estamos, describimos o tempo atmosférico respondendo á pregunta "What's the weather like?". O alumnado observa o exterior e decide que tempo fai hoxe repasando o vocabulario do tempo (sunny, cloudy, partly cloudy, rainy, windy, snowy) e a temperatura (cold, warm, hot) co apoio visual de símbolos en goma eva e as tarxetas de palabras (wordcards).
O VERME DO TEMPO
Enviado por Marta Valbuena o Lun, 31/05/2021 - 21:46Hoxe o alumnado de 4º de infantil quere presentarnos ao VERME DO TEMPO. Durante todo o curso foron rexistrando nel o tempo metereolóxico xunto cos días da semana.
Ao final da semana observaban cantos días de sol, choiva ou sol con nubes houbo nesa semana.
METEOESCOLAS INCLUSIVAS
Enviado por Marta Valbuena o Mér, 19/05/2021 - 19:04Este ano fixemos unhas melloras no noso espazo da meteoroloxía que está no exterior da escola.
Na primeira delas, Ramón, o noso conserxe, colocou unhas losetas facendo un camiño dende o patio ata a garita meteorolóxica para que todas as persoas poidan acceder alí. Ademais así, cando vamos a observar os datos non nos mollamos nin embarramos os pés. Quedou estupendamente e agora apetécenos máis aínda visitar a nosa caseta meteorolóxica.
Ademais, fixemos os nosos recunchos meteorolóxicos máis inclusivos colocando carteis con pictogramas, para que todos saiban o tesouro que gardamos nesa caixiña branca tan misteriosa!
DÍA DE CHUVIA
Enviado por Blanco Rodrígue... o Xov, 15/04/2021 - 23:00DÍA DE CHUVIA
A semana do 12 ao 16 de abril tocoulle ao alumnado de 1º A recoller os datos da caseta meteorolóxica e rexistralos no lugar sinalado. Ademais gustábanos mirar cara o ceo cada mañá para coñecer as nubes e observar se estaban cargadas ou non de chuvia, tanto e así, que na clase un día lle dedicamos a identificar expresións e vocabulario relacionadas con este meteoro. Aquí pódese ver no traballo do alumnado.
DÍA METEOROLÓXICO MUNDIAL
Enviado por Marta Valbuena o Mér, 07/04/2021 - 18:05O 23 de marzo celébrase o DÍA METEOROLÓXICO MUNDIAL e como nós aprendemos nunha METEOESCOLA, celebrámolo con multitude de actividades.
- Aproveitando que a chegada da PRIMAVERA foi uns días antes, falamos do equinoccio e fixemos uns debuxos moi bonitos.
- Decoramos a nosa axenda, como é costume nas datas importantes, con meteoros e instrumentos meteorolóxicos.
- Fixemos unha portada para a carpeta das fichas do 2º trimestre na que o protagonista era o SOL, polo que previamente aprendemos cousas sobre el.
Preme nesta imaxe para ver como o fixemos
- Finalmente construímos a nosa RODA DO TEMPO, unha roda na que podemos marcar cada día como está a situación meteorolóxica.
Preme nesta imaxe e verás o proceso
Resultou ser unha data moi interesante, coa que aprendemos moito sobre o tempo!
DÍGOCHO EU METEOROLÓXICO
Enviado por Amalia Omil o Ven, 02/04/2021 - 09:07O alumnado de terceiro de primaria puxemos o noso gran de area ao proxecto de Dinamización Lingüística elaborando un vídeo, formato DÍGOCHO EU. Serviu, ademais, de broche de ouro para pechar o noso proxecto de meteoroloxía.
Ten a particularidade de que incluímos palabras de Bueu o do Morrazo, que lonxe de reixetalas, valoramos e que moitas delas están recollidas pola Real Academia da Lingua Galega.
POEMA DE PRIMAVERA
Enviado por Amalia Omil o Ven, 02/04/2021 - 08:59O alumnado de terceiro recibimos a primavera recitando un poema de Antonio García Teijeiro. Como xa fixemos coa chegada do outono e do inverno gravámonos en vídeo e aquí temos o resultado:
POEMA DE PRIMAVERA 3º B
POEMA DE PRIMAVERA 3º A
PROXECTO DE METEOROLOXÍA
Enviado por Amalia Omil o Xov, 01/04/2021 - 21:30O alumnado de terceiro realizamos durante o segundo trimestre un proxecto sobre meteoroloxía.
A parte de aprender cales son os aparatos que miden o tempo atmosférico ou de descubrir os distintos tipos de clima e a influencia que teñen sobre a flora e a fauna, tamén investigamos sobre cambio climático, efecto invernadoiro, burato da capa de ozono, ou quencemento global. Soubemos que había moitas asociacións ecoloxistas e intersámonos especialmente por Green Peace. Admiramos a Greta Thunberg, polo seu valor e dedicación. Todo este traballo queda enmarcado no PDI do cole sobre os ODS (Obxectivos de desenvolvemento sostible.
Todos estes traballos quedaron recollidos nun libro que elaboramos entre todos e que agora, tras desinfectarlo ou deixalo en corentena, viaxa polos nosos fogares.
Deixamos a continuación a presentación que fixemos as dúas aulas de terceiro
METEOESCOLAS 3º E. PRIMARIA
Enviado por Amalia Omil o Xov, 01/04/2021 - 21:15O alumnado de terceiro de primaria, fomos xs encargdxs de visitar a caseta meteorolóxica e de rexistrar os datos no comezo do segundo trimestre.
Tivemos a sorte de rexistrar as temperaturas máis baixas, recollendo algúns días temperaturas por debaixo do cero graos. Outro día sorprendeeunos a borrasca Justine, á que sucedeu inmediatamente Karim. Tanta auga caeu que non cabía no noso climograma.
Deixamos rexistro nestes climogramas, que iamos construíndo a diario:
DÍA MUNDIAL DA METEOROLOXÍA
Enviado por Ainhoa Suarez o Ven, 26/03/2021 - 09:51O 23 de marzo celébrase o DÍA MUNDIAL DA METEOROLOXÍA. Aproveitando que no noso centro contamos coa nosa propia estación meteorolóxica, grazas ao programa METEOESCOLAS, o alumnado de 4ºA elaborou o seu propio libro de aula con palabras galegas relacionadas co tempo.
Agardamos que vos guste!
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- seguinte ›
- última »
