O TEMPO MADE IN BUEU
DÍA METEOROLÓXICO MUNDIAL
Enviado por Marta Valbuena o Sáb, 23/03/2024 - 01:00Coincidindo co DÍA METEOROLÓXICO MUNDIAL, o alumnado de 2º investigou dúas lendas sobre a formación do ARCO DA VELLA, ese fenómeno tan misterioso pero que tanto ilusiona a pequenos e grandes!
Despois de investigar a orixe divina e a orixe popular, aprenderon as cores que o compoñen e crearon así a súa portada das fichas do 2º trimestre.
Ademais, representamos un teatro sobre as cores do ARCO DA VELLA, descubrindo que non hai unha mellor que outra, senon que todas unidas e grazas á chuvia fan un equipo único. Para representalo, o alumnado veu vestido para á ocasión cunha camiseta da súa cor, de tal xeito que entre todos formaban un alegre arco da vella!
PROXECTO OS RÍOS
Enviado por Ainhoa Suarez o Ven, 22/03/2024 - 12:00Este trimestre o alumnado de 4º estivo traballando no PROXECTO OS RÍOS.
Como produto final, realizaron unha presentación que recollía a información indagada ao longo destes meses. Unha vez exposta aos seus compañeiros e compañeiras, foron á radio a gravala e así compartila con todo o mundo.
Agardamos que vos guste!!
O tempo en febreiro
Enviado por Marta Valbuena o Ven, 01/03/2024 - 01:00Durante este mes de febreiro, o alumnado de 2º foi o encargado de observar o tempo.
As nosas tarefas foron:
- Revisar a primeira hora da mañá a caseta meteorolóxica para ver as temperaturas máximas e mínimas, o pluviómetro para ver as precipitacións, o barómetro para ver a presión do aire, o higrómetro para ver a humidade ambiental.
- Observar a herba por se hai orballo e comprobar a dirección do vento.
- Ter en conta calquera outro meteoro: néboa, calixe, sarabia, treboada...
A continuación rexistramos todos eses datos no corredor do Bibliocastelo, na sección de Meteoescolas.
Ademais, na aula, realizamos un rexistro das luadas do mes de febreiro, observando a lúa diariamente.
Gustounos moito ser os encargados do tempo e estamos desexando que chegue maio para volver a ser Meteorólogos e Meteorólogas!
Ciclo da auga e depuración!
Enviado por Jose Antonio Malvido o Xov, 22/02/2024 - 22:54O alumnado de sexto participou no obradoiro "Ciclo da auga e depuración" do programa Ponteazero.
Un pequeno paso de compromiso cos Obxectivos de Desenvolvemento Sustentable (ODS) número 13 "Acción polo clima" e o número 15 "Vida de ecosistemas terrestres".
Presentación de traballos!
Enviado por Jose Antonio Malvido o Mar, 16/01/2024 - 01:04
Despois da procura, análise e organización da información, chegamos á fase de exposición. Temos uns magníficos presentadores e presentadoras.
METEOESCOLAS QUENDA DE 4º DE PRIMARIA
Enviado por Amalia Omil o Mér, 20/12/2023 - 22:33
A última semana de novembro tocounos ao alumnado de 4ºA rexistrar o tempo.
Como ben sabedes o que máis nos gusta é o pluviómetro pero xusto esa semana deixou de chover. Xa foi mala sorte! Pola contra o que si puidemos observar foi unha gran baixada de temperaturas de noite e polo mañá cedo, que se tornaban altas polo medio grazas ao Sol.
Todos os días tocábamos a herba e comprobábamos que estaba mollada pola condensación do vapor de auga. Veunos moi ben para repasar o ciclo da auga.
O alumnado de 4ºB si que tivemos mías sorte porque o pluviómetro si que volveu a conter auga grazas ás borrascas que entraron na nosa semana.
Como en anos anteriores rexistramos todos os datos recollidos na caseta meteorolóxica.
Volveremos en abril e será moi intereresante comparar a diferenza de tempo atmosférico do outono á primavera.
MES DA CIENCIA
Enviado por Amalia Omil o Xov, 30/11/2023 - 21:54Novembro foi un mes moi, moi especial! Conmemoramos a ciencia en galego, polo que fixemos moitos experimentos.
- A candea apagada
- Líquido non newtoniano
- Neve
- Papel que non se molla
- Chuvia
- Erupción do volcán
- Peixes flotantes
- Debuxos vivos
- Ovo saltarín
- Arco da vella no leite
APRENDEMOS E DIVERTÍMONOS
Clicade nas seguintes imaxes para ver algún dos momentos vividos na aula de ciencias.
Conseguirá decembro ser tan especial?
Manterémosvos informados!
OBSERVANDO O TEMPO
Enviado por Marta Valbuena o Ven, 17/11/2023 - 01:00Durante esta semana, o alumnado de 5º observamos o tempo na caseta meteorolóxica e realizamos medicións de temperatura e precipitacións. Encántanos atopar auga no pluviómetro!
MES DA CIENCIA: OBRADOIRO SOBRE A AUGA
Enviado por Amalia Omil o Lun, 13/11/2023 - 23:04O pasado venres, 10 de novembro, o alumnado de segundo e cuarto de primaria tivemos a sorte de asistir a un obradoiro sobre a auga.
Este obradoiro está enmarcado dentro da celebración do mes da ciencia en galego.
O alumnado de cuarto ademais estamos a piques de empezar un proxecto sobre a auga.
Loreto, científica de AUGAS DE GALICIA, explicounos cousas moi interesantes, pero o que máis nos chamou a atención foi que as inundacións son fenómenos naturais e que ademais son beneficiosas para o propio río e para os terreos que están na súa beira.
O problema é que se construíu onde debería haber vexetación e que ademais se desviou o leito de moitos ríos.
Con Loreto fixemos ademais algún experimento e xogos.
Clicade na imaxe para ver imaxes dese día.
OS RÍOS DE GALICIA
Enviado por Blanco Rodrígue... o Sáb, 11/11/2023 - 21:25Debido a que novembro é o MES DA CIENCIA EN GALEGO, o venres 14 de novembro, o alumnado de 2º e 4º asistiu a unha charla obradoiro sobre os ríos de Galicia, explícaronlle a importancia de deixar libre de construcións as marxes dos ríos polos riscos de inundacións. As chuvias abundantes provocan as crecidas dos ríos e poden estragar todo o que atopan ao seu paso.
Foi moi interesante, os nenos e nenas estiveron moi atentos e participaron con moitas preguntas e outras intervencións. Fixeron tamén un pequeno experimento no que se podía observar o necesarias que son as raíces das árbores para manter suxeita a terra.
Como despedida, agasalláronnos cun imán, unhas tarxetas e un libro dos Bolechas que viven as súas aventuras nun río.
Aquí podedes ver algunha foto e un vídeo se premedes na imaxe.
eo.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
