CURSO 4ºA 4ºB
A RULETA DO UNIVERSO
Enviado por Ainhoa Suarez o Mér, 25/01/2023 - 18:44A semana pasada viñeron visitarnos dúas compañeiras á clase: Mar e Noa. Como sabedes, no primeiro trimestre estivemos traballando o proxecto O UNIVERSO. Con tal motivo, elas idearon un xogo sobre esta temática, en relación ao PAL “MOITO MÁIS QUE XOGO”, e viñeron amosalo para ver se recordábamos algo ou non.
O xogo consistía no seguinte: unha ruleta con distintas preguntas que elas mesmas escribiron en tarxetas de cores. Un representante de cada equipo da aula tiña que ir saíndo para facer unha tirada e responder á pregunta que lle tocara. Se acertaban eles sós gañaban dous puntos para o seu equipo, se o facían con axuda dos compis só un punto, e se ninguén sabía a resposta… quedaban como estaban.
Pasámolo xenial e aprendemos moitas cousas novas!!!
NADAL NO CEIP A PEDRA
Enviado por Ana Cabaleiro o Xov, 22/12/2022 - 13:31E por fin chegaron as tan ansiadas vacacións de Nadal, despois de tanto traballar, é hora de descansar e desconectar.
Tivemos unha mañá moi divertida cos obradoiros de Nadal; con Ramón gozamos da maxia, con Geli xogamos ao Tutifruti, con Lina fixemos unha postal de Nadal e con Gore movemos o esquelete nun obradoiro recreativo. Grazass a todxs!
Ollade que ben o pasamos.
4ºB
4°A
3º
Aproveitamos tamén para compartir a canción deste ano, CHEGOU O NADAL, en LSE.
FELICES FESTAS!
CHARLA SOBRE O UNIVERSO
Enviado por Ainhoa Suarez o Mar, 20/12/2022 - 19:01O pasado luns tivemos a sorte de contar cun dos pais das nosas alumnas, o doutor Héctor Pereiro, que veu darnos unha charla sobre algúns aspectos relacionados co proxecto que estivemos traballando este curso: O UNIVERSO.
Aínda que a súa profesión non ten nada que ver co tema, é todo un fanático do espazo, e sabe moitísimas cousas!
Comezou explicándonos que cando era pequeno, o seu soño era ser astronauta. É por isto que con 17 anos foi de viaxe ao SPACE CAMP da NASA, toda unha experiencia que non dubidou en contar ao alumnado con tódolos detalles.
Ademais, aproveitou para salientar a figura de distintas mulleres astronautas que foron importantes ao longo da historia e que tamén o son na actualidade, coma Julie Payette, Cristina Koch ou Samantha Cristoforetti.
Por último, solventou algunhas cuestións que poden resultar confusas: que é a gravidade? como sae un foguete cara o espazo? de que están feitos os traxes de astronautas?
Aquí podedes ver o contenta que quedou Lola trala visita do seu pai!
GRAN PRIX FINANCIEIRO
Enviado por Amalia Omil o Sáb, 17/12/2022 - 23:18Esta actividade promovida por AFUNDACI ÓN ABANCA, queda perfectamente enmarcada dentro do PDI do cole MOITO MÁIS QUE XOGO.
Pois si, porque o alumnado que tivemos a sorte de asistir a esta actividade aprendemos a aforrar e administrar o diñeiro mediante divertidos xogos. Descubrimos que os cartos non aparecen por maxia no noso fogar e que as nosas familias teñen que facerse cargo de pagar as facturas da electricidade, da auga, …. Vimos a diferencia entre o que é necesario e o que é un desexable.
Soubemos da importancia de saber facer operacións matemáticas e descubrimos como multiplican en Xapón. Non teñen que aprender as táboas!
O máis divertido foi o xogo da OCA!
Empezabamos a partida con 20 moedas e despois de tirar o dado iamos caendo en diferentes casiñas onde tiñamos que ir pagando: gasolina, facturas de luz ou móbiles, arranxos de electrodomésticos, hipoteca, … As veces tiñamos que decidir se gastabamos ou non e para iso tiñamos que poñernos de acordo coa nosa parella. Como a vida mesma!
Algúns e algunhas quedabamos sen cartos!
Que divertido é aprender xogando!
25 DE NOVEMBRO – OBRADOIRO DE IGUALDADE
Enviado por Ainhoa Suarez o Xov, 15/12/2022 - 20:00Esta semana recordamos a importancia do traballado en días anteriores, o 25 de novembro, DÍA CONTRA A VIOLENCIA DE XÉNERO. É por isto que Uxía veu realizar co alumnado de 3º un obradoiro de igualdade.
Comezou explicándolles aos nenos e nenas algúns conceptos que lle resultaban confusos, coma “machismo”, “feminismo”, “igualdade”…
A continuación, interpretou dous contos: “A princesa rebelde” e “Maruxa”. A través deles rompeu con estereotipos machistas que habitualmente aparecen en moitos contos de princesas, e fixo evidente a importancia da repartición das tarefas do fogar entre tódolos membros da familia. Para isto contou coa colaboración dalgúns cativos que se meteron moi ben no papel.
Por último, ensinounos algúns xoguetes que son etiquetados “para nenos” ou “para nenas”, e fixo partícipe ao alumnado para desfacer todos estes pensamentos e que se deran conta de que os xoguetes son simplemente para calquer persoa.
GUÍAS DE NADAL
Enviado por Amalia Omil o Lun, 12/12/2022 - 23:32As esperadas guías de Nadal xa están aquí!
Nelas poderemos atopar variedade de novidades de libros escritos en galego, e que un grupo de mestras e mestres do Morrazo, preocupáronse de seleccionar.
Estas primeiras son as aconselladas para o alumnado de primaria.
Estas son as destinadas ao alumnado de infantil.
E este é o cartel, con todas as novidades das guías!
Moitas grazas por este gran traballo!
OBRADOIRO DE CONSUMO RESPONSABLE
Enviado por Amalia Omil o Dom, 20/11/2022 - 13:27Acorde con PDI do cole, Moito máis que xogo, o alumnado de terceiro e cuarto, tivemos un obradoiro de consumo responsable.
Agora que chega o Nadal, todxs estamos desexando ter xogos novos. Neste obradoiro aprendemos a fixarnos nas etiquetas. Hai unha moi importante que se refire á seguridade do xoguete.
Somos moitxs aos que nos gustan os videoxogos. Aquí cobran relevancia as peguis, porque informan da idade recomendada e tamén que tipo de linguaxe utilizan, se son violentos, se son discriminatorios …
Tampouco podemos deixarnos enganar pola publicidade, que usa trucos para atraer a nosa atención, como pode ser o uso de cores.
Os xoguetes e as cores non teñen xénero.
Rematamos o obradoiro facendo unha actividade plástica na que puxemos algunha pegui, par non esquecelas.
O consumo responsable tamén pasa por seleccionar o que queremos pedir. O consumismo indiscriminado está tendo consecuencias moi graves no cambio climático.
CHEGOU O MAGOSTO E OS SEUS XOGOS TRADICIONAIS!
Enviado por Susi Fernandez o Ven, 11/11/2022 - 13:45O mércores 9 de novembro todo o cole de A Pedra celebrou o magosto. A rapazada trouxo unhas poucas castañas picadas da casa e Ramón as estivo asando no patio.
Pero antes de comelas, a organización Corredoiras preparounos uns xogos tradicionais! Divertímonos moito coa billarda, os bolos miniatura, os trompos e moitos outros xogos máis...
Despois de hora e media de diversión chegou a hora de papar as castañas! Menuda panzada!
Nos seguintes vídeos poderedes ollar o ben que o pasamos!
Vídeo de 3ºA e 3ºB
Vídeo de 4ºA e 4ºB
Queremos agradecer ás familias, a Ramón e á organización Corredoiras a súa participación e por suposto a toda a rapazada do centro polo seu entusiasmo.
Ata o vindeiro curso!!
FELIZ SAMAÍN!
Enviado por Ainhoa Suarez o Lun, 31/10/2022 - 14:08Esta semana celebramos na escola O SAMAÍN. O luns comezamos a traer as nosas cabazas relacionadas co plan anual de lectura MOITO MÁIS QUE XOGO. Ademais, dende as titorías, estivemos traballando sobre SORTES que o alumnado coñecía para saber quen panda cando van xogar a algo. A partir de ahí, por equipos, inventaron a súa propia SORTE DE SAMAÍN.
O venres, comezamos a mañá baixando a ver a gran exposición de tódalas cabazas realizadas polas familias. Parabéns a todxs os que vos animastes, estades feitxs uns artistas! Tamén limos as SORTES DE SAMAÍN creadas por tódolos grupos do cole.
Xa nas aulas, aprendimos sobre a ORIXE DO SAMAÍN a través dunha presentación interactiva de GENIALLY, e dende ARTS confeccionamos unha SPIDERWEB feita de papel.
Nas fotos podedes ver o guapos e guapos que estabamos, agardamos que tremades de MEDO!!!
OSO ATRAPABOLBORETAS NA FINAL DOS PREMIOS OUFF
Enviado por Amalia Omil o Dom, 30/10/2022 - 16:37A curta, OSO ATRAPABOLBORETAS, volveu darnos outra alegría neste comezo de curso. Resulta que foi nominado á final dos premios OUFF de teatro escolar da cidade de Ourense. Así que o pasado xoves dirixímonos á cidade das burgas e presentámonos no auditorio municipal.
Viñemos moi contentxs co noso diploma.
Aproveitamos a ocasión para coñecer algúns dos lugares máis emblemáticos desta fermosa cidade, como son as fontes de auga quente, coñecidas como As Burgas, a súa catedral, a Ponte Romana ou a a do Milenium. Desfrutamos camiñando pola zona vella e admiramos a grandiosidade do río Miño.
- « primeira
- ‹ anterior
- …
- 4
- 5
- 6
- 7
- 8
- 9
- 10
- 11
- 12
- …
- seguinte ›
- última »
![CURSO 4ºA 4ºB Distribuir contido](/centros/ceipapedra/misc/feed.png)