Unha pequena mostra dos traballos dos alumnos de relixión de infantil e primaria no Nadal 2017: beléns (nos que enpregaron todo tipo de materiais), debuxos, fotocall...

Guía de lecturas recomendadas para o Nadal elaborada polos Equipos de Dinamización das Bibliotecas Escolares do Concello de Ames.

 O pasado venres visitounos unha axente da Policía Local de Ames. Doulles unha charla de educación e seguridade viaria aos alumnos de 6º de infantil.

  Toda a información da visita está no blog de 6º de infantil, premendo AQUÍ

Dentros dos actos pola igualdade e contra a violencia de xénero que se realizan no Concello de Ames, está a creación dunha Biblioteca sobre o tema, que foi presentada, entre outras, pola directora do Centro de Información á Muller de Ames (CIM), María Teresa Arufe. Con esta iniciativa que se chama PUNTO DE IGUALDADE búscase promover a través destes libros o respecto, a igualdade e a seguridade en si mesmas das alumnas e alumnos do Concello para que sexan capaces de cambiar  o mundo no que viven.

(no PDF adxunto están recollidas algunhas fotos da presentación)

  Dentro dos obxectivos do Equipo de Dinamización da Convivencia escolar, están entre outros:

• Promover actividades para traballar as habilidades sociais, a autoestima, a intelixencia emocional, a resolución pacífica de conflictos...
• Fomentar a participación no patio en xogos colectivos que favorezan  a convivencia entre o alumnado na hora do recreo.
• Deseñar actividades que contribuan a desenvolver a competencia social e cidadá.
• Colaborar na proposta de actividades  de acollida para o alumnado procedente doutros paises.
• Promover a relación de igualdade entre homes e mulleres.

   Todos estos obxectivos abarcan aspectos e situacións nos que se poden dar algún tipo de problemática entre os alumnos e alumnas.  Por eso, para facelos visibles, e despois tratar de solucionalos, o Equipo puxo en funcionamento o BUZÓN DE CONVIVENCIA, do que explican a súa utilidade neste video.

Si o necesitas NON DUBIDES EN USALO!

O Pazo do Faramello  está situado sobre o canón do río Tinto, afluente do Rio Sar, no lugar do Faramello no concello de Rois, provincia da Coruña.

Este pazo intégrase de forma espectacular na contorna natural que lle rodea é a contorna perfecta onde desenvolver actividades escolares nas que, desenvólvese de diferente maneira un contacto integral coa natureza, e ao tempo poténciase o coñecemento da ecoloxía e a historia de Galicia, por iso mereceu ser mencionado na obra da poetisa Rosalía de Castro, Camilo José Cela ou encomiado por Emilia Pardo Bazán. Ademais, durante a visita acompañounos a TVG facendo unha fermosa reportaxe sobre a mesma, que a podedes vela completa premendo sobre este enlace.

 Cando programamos unha saída co alumnado procuramos que lle proporcionen vivencias nas que participe a comunidade e que ao fin revertan sobre ela axudando a mellorala. Todas as actividades escolares  están enfocadas a un fin solidario, a plantación dunha árbore no Xardín do Recordo. un xardín público memorial á traxedia de Angrois no 2013, como colofón de cada visita

A nosa contribución para que quen visite o xardín foron un códigos QR con información sobre as árbores que plantamos, cercis siliquastrum  ou árbores do amor, para que quen o visite poida acceder no momento e in situ á información.

O noso agradecemento ao dono do pazo, Gonzalo Rivero de Aguilar, por poñer á nosa disposición e desfrute un entorno natural e único como é o do pazo. Tamén a unha parella, pai e nai dunha moza vítima do accidente do Alvia, que nos acompañaron na visita de xeito agarimoso  e discreto. Asun, nai de Laura (unha das vítimas do accidente) contoulles aos nenos e nenas que,  aínda na súa dor sen consolo apoian a Gonzalo na labor de seguir adiante co Xardín do Recordo, porque agora serán fermosas árbores as que lle lembrarán aos seus seres queridos.

O noso agradecemento tamén para Guillermo Crespo, membro da Fundación Internacional para a Restauración de Ecosistemas (FIRE), polas súas explicacións sobre a labor de reforestación de bosque atlántico que se está levando a cabo no pazo. E por último, o agradecemento á fotógrafa Elena Cerviño que foi quen de capturar fermosas e únicas imaxes que quedarán no noso recordo do que foi una marabillosa xornada didáctica nun entorno único.

Este curso o Centro vai a tratar de elaborar o proxecto "Proxectando en verde" levado a cabo dende o Equipo da Biblioteca en colaboración co de Normalización e co resto dos Equipos Dinamizadores do centro.

Para elo o alumnado de 5º de Primaria fixemos unha saída a contorna onde traballamos os seguintes puntos:

-Bosque autóctono e foráneo

-Muíños do rego de Ameneira

-Recuperación da vexetación no monte de Lamiño (queimado no ano 2010).

- Aldea de Castrigo (fonte, muíño,...)

Elaboramos un traballo e recollemos mostras para seguir traballando neste tema na aula.

   Fixemos o magosto xusto a véspera do S. Martiño, e aínda que estamos no tempo das chuvias, realmente este ano o tempo portouse moi ben para poder realizar esta actividade.

   As castañas estaban boísimas polo que dimos boa conta delas. 

   Esforzámonos especialmente  na recollida e limpeza do patio e tan ben o fixemos, que a hora da saída non parecía que estiveramos tantos nenos tomando castañas e bailando. E este ano a música tamén nos gustou a todos moitísimo!.

SAMAIN         

   No cole o celebramos coa “Mostra de cabazas e produtos do outono”. Dende o colexio queremos agradecer o entusiasmo e colaboración das familias, pois  grazas aos seus traballos podemos realizar esta actividade, que serve para actualizar e vivir as nosas tradicións .

    Este ano cambiamos de escenario e realizouse na cristaleira do 2º andar. A biblioteca quixo participar mostrándonos  libros que fan referencia a esta época do ano e fixemos a súa lectura nun ambiente moi axeitado.

   Un vistazo á creatividade da exposición das cabazas nestes videos e nas presentacións en PDF adxuntas:

   E ademáis os equipos de dinamización de biblioteca e extraescolares colaboraron para facer unhas sesións de contacontos a cargo da profesora Mavi. Sobre todo os máis pequenos quedaron encantados!

  O pasado 10-11-2017 o Concello de Ames publicou a convocatoria de axudas para a adquisición de libros de texto e material escolar destinadas ao alumnado do segundo ciclo de educación infantil (dos 3 aos 5 anos) para o curso 2017-2018. O prazo de presentación de solicitudes permanecerá aberto ata o vindeiro 9 de decembro.
  

   As solicitudes poden ser presentadas tanto no rexistro xeral da Casa do Concello ou do Pazo da Peregrina, en Bertamiráns, como nas oficinas municipais no Milladoiro. As solicitudes tamén se poden presentar a través do rexistro telemático na sede electrónica do Concello (https://sede.concellodeames.gal/es/).

    Para máis información, chamade ao teléfono 981 891 476, do departamento municipal de Educación.

    Os nenos levaron unha nota  con máis información sobre os datos necesarios para solicitar as axudas.