Aínda que as clases presenciais foron temporalmente suspendidas, o equipo docente segue a traballar para que os nenos complementen os seus coñecementos co labor que fan na casa.  

Habilitamos distintas canles para que nos poidan ensinar ese traballo, que agora é obrigatorio. Polo tanto deben enviar, cada semana, as tarefas ao profesor correspondente (ao titor e aos especialistas de Inglés, Música, Educación Física e Relixión). Estas tarefas valoraranse de cara á terceira avaliación, polo que é importante que as manden o mellor posible e na data correspondente.

Para seguir en contacto con eles, enviamos mensaxes a miúdo á plataforma Edixgal. Cómpre que se conecten á mensaxería para estar informados, comunicarse con nós, plantexar dúbidas ou aclarar calquera cuestión. 

Ademais do Abalar, sería bo achegarlle unha dirección de correo electrónico ao titor (se non o fixeron xa), para informarlles de calquera cuestión que puidese xurdir.

Agradeceríamos resposta a esta nota cun "OK" para saber que a recibiron.

As titoras e os especialistas de 4º nivel  queremos aclarar que as actividades que programamos no noso blog e na páxina do colexio, son actividades de reforzo, repaso, recuperación e ampliacción dos contidos que consideramos claves para a adecuada progresión do aprendizaxe dos nosos alumnos. Son actividades que forman parte do 3º trimestre e polo tanto actividades que hai que realizar, con calma , sen presa, e con tempo suficiente.

 A profesora Lidia, especialista en inglés, nos informa que hai moitos alumnos de 4º  que non se diron de alta na plataforma de Oxford. Esta é unha ferramenta moi útil na que todos deberiades estar.

Ademais, as mestras de 4º nivel estamos en contacto permanente con vos, familias, pero notamos en falta o feedback, é dicir, unha contestación por parte vosa cando se vos escribe un email. Gustarianos estar moito máis cerca e o contacto a través do correo electrónico parécenos imprescindible. Tamén cos alumnos, pero este farase coas videoconferencias que empezaremos en breve.

Sabemos que os alumnos teñen os seus diccionarios nas aulas. Esta falta de recurso a compensaremos con  entradas de acceso á  RAG (galego) e á  RAE (castelá) no blog.

Por último, os mestres especialistas ( inglés, relixión, educación física e música) os emprazan para que tamén estedes en contacto con eles e polo tanto enviamos os seus correos.

            (Raquel)  rsnoya@edu.xunta.gal         (Mercedes)mercedes.blanco@edu.xunta.gal

            (Lidia)lidiabrenlla@edu.xunta.es       (Jesús) jesusgarciavazquez@edu.xunta.es

Coa finalidade de axudarlle ao alumnado a organizar as tarefas diarias, as mestras de 4º de educación primaria estableceron este horario semanal. É importante que vexades que non se marcan horas concretas senón as materias que deberíades traballar cada día.Esperamos que vos axude a organizar as vosas sesións de estudo.

Habilidades sociais para nenas e nenos

PROPOSTA DE ACTIVIDADES PARA REFORZO DAS DIFICULTADES DERIVADAS DA DISLEXIA.

Enlaces, webs e blogs de axuda psicolóxica:

-Colexio Oficial de Psicoloxía de Galicia

-Consejo General de la Psicología. España

-Servicio Psicología Aplicada. UNED

Pautas alumnado con TEA:

-Pautas de ASPANAES

-Recomendacións BATA

-Autismo España

-ARASAAC

-Red Cenit

-AETAP

 Aprendices visuales: Contos con pictogramas

Moitas grazas por compartir con nós este momento tan especial. Seguide coidándovos.

Queridos alumnos, alumnas e familias:

No Departamento de Orientación estamos á vosa disposición para atender todas aquelas dúbidas ou consultas que nos querades formular neste tempo de confinamento. Podedes contactar con nós a través dos seguintes correos electrónicos:

conchymerayo@edu.xunta.es  (Orientadora)

estelalopezvarela@edu.xunta.es (Especialista de Audición e Linguaxe)

mpicher@edu.xunta.es (Especialista de Pedagoxía Terapéutica)

ma.teresaperez@edu.xunta.es (Especialista de Audición e Linguaxe)

 O alumnado de 1º B quixo darlle unha sorpresa á súa mestra Vanessa e eles, en complicidade coas súas familias, elaboraron este fermoso vídeo.

Moitísimas grazas pola vosa iniciativa, creatividade e esforzo e por suposto, parabéns!

Co voso permiso compártoo para todo o alumnado e as familias do CEIP A MAÍA.

Grazas e coidádevos!!!!

Estimadas familias,

Estamos á espera de recibir instrucións sobre como se vai desenvolver este 3º trimestre, probablemente non as teñamos ata a próxima semana, pero,  en canto as teñamos, farémolas públicas para que todas e todos dispoñades da mesma información.

Igualmente quero adiantarvos que estamos organizando para que poidades vir ao centro a recoller o material (libros, libretas, ordenadores, etc) das vosas fillas e fillos, entendede que para facer isto teremos que garantir as medidas de distancia social, hixiene, orde, etc., propias desta situación derivada do estado de alarma. En canto recibamos o visto bo da Consellería, avisareivos para que pasedes a recollelo.

Espero que todas e todos sigades ben a pesar deste momento tan difícil. Coidádevos moito e ogallá poidamos retornar á normalidade canto antes.

Saúdos e ánimo de todo o equipo docente do CEIP  A MAÍA

A directora