O luns 20 de xuño realizamos a segunda fase do evento solidario a favor de Ucraína. Foi un día marcado pola chuvia, pero iso non nós quitou a ilusión por seguir adiante coa actividade. A andaina quedou reducida a unhas voltas arredor do cole como un acto simbólico. Despois, o alumnado marcouse uns bailes no polideportivo dirixidos polo profe Santi, a continuación, unha pequena paradiña para  cargar pilas cunha merenda saudable para seguir movendo o esqueleto coa actividade de zumba dirixida por Luis González.

Un pequeno grupo de alumnos e alumnas do noso cole fixéronnos unha demostración das súas habilidades físicas cunha exhibición de taekwondo guiados por Alberto Verea, monitor do Ximnasio  Maniotas.

 Todo o claustro da Barquiña queremos agradecer de corazón a vosa solidariedade e implicación con este evento.

A recaudación de alimentos superou as nosas expectativas!

Queremos agradecer a colaboración da ANPA que como sempre, amosa un gran interese e implicación en todas as propostas que lles presentamos, así como aos supermercados Gadis, Eroski, Frutería Roberto, Luis González (monitor de zumba) e Ximnasio Maniotas, Protección Civil de Noia e Policía Local e Concello de Noia.

Informarvos que Moncho Vidal farase cargo do envío de alimentos a Ucraína por medio da ONG.

AXUDAS DO CONCELLO DE NOIA PARA MATERIAL E COMEDOR ESCOLAR CURSO 2002-2023

O Concello de Noia informa, da publicación no Boletín Oficial da Provincia da Coruña, da convocatoria das axudas para adquisición de libros de texto e material didáctico e para o financiamento do servizo de comedor escolar para Educación Infantil e Primaria para o curso 2022-2023.

O prazo para presentar as solicitudes será do 16 de xuño ata o 7 de xullo de 2022 (ambos incluídos).

As solicitudes deberán presentarse de xeito presencial no rexistro de entrada ou pola sede electrónica do Concello de Noia, correctamente cubertas e coa documentación obrigatoria esixida na convocatoria.

*No caso de que as axudas se soliciten para dous ou máis irmáns, deberá presentarse unha solicitude por cada alumno.

Nos arquivos adxuntos pódese descargar a resolución da convocatoria e o modelo de solicitude.

O venres 3 de xuño visitounos no cole Moncho Vidal, máis coñecido na nosa vila como Moncho O Ceboleiro. Relatou a súa experiencia colaborando como membro dunha ONG dedicada á axuda humanitaria en países en conflito. Neste momento a súa actividade está centrada na repatriación de persoas de orixe ucraína ao noso país e no envío de artigos de primeira necesidade, como poden ser alimentos non perecedoiros, material sanitario cirúrxico, artigos de hixiene persoal…

Moncho chegou en compaña de dúas mozas ucraínas, Liza e Nika, que acudiron ao centro para contarnos a súa experiencia nestes máis de 100 días nos que o seu país leva en guerra. Tres alumnos de 6º: Manu, Celtia e Mateo Tomé, coa colaboración de Queta, a  profe de inglés, foron os encargados de entrevistalas dende a radio do cole.  Resultou unha entrevista moi persoal onde contaron como eran as súas vidas antes de comezar a guerra e onde manifestaron o seu sentimento de angustia ante un futuro cheo de incertidume.

Despois do programa de radio, todo o alumnado de Infantil e Primaria xunto co profesorado, escoitamos a experiencia vivida por Moncho nas dúas viaxes que realizou ata a fronteira de Polonia para repatriar a persoas ucraínas a Galicia. Amosounos imaxes destas viaxes que, unidas ás súas palabras, impactaron de cheo nos nosos  corazóns.

Tamén apelou á nosa solidariedade e agradeceu o interese por coñecer de primeira man o que está a acontecer en Ucraína.

Esta charla foi a primeira parte dunha actividade solidaria programada dende a escola, que culminará o día 20 de xuño coa realización dunha andaina solidaria a favor de Ucraína. A marcha partirá dende o centro e percorrerá a contorna da Barquiña. 

Xa de volta, no cole, os rapaces e rapazas gozarán dunha merenda saudable para, de seguido, amenizar a xornada cunha actividade de zumba impartida por Luis Sampaio, que coloborará de forma altruísta connosco.

ORDE do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23

PRAZO DE PRESENTACIÓN DE SOLICITUDES: Do 19 de maio ao 22 de xuño do 2022

BENEFICIARIOS: Alumnado de Educación primaria matriculado no curso 2022 /2023 en centros sostidos con fondos públicos.

MODALIDADES:

-       Libros de texto : Alumnado de 1º, 2º 3º e 4º e educación especial.

O alumnado de 5º e 6º do noso centro participa no programa EDIXGAL (ordenadores alumnado), polo que non debe participar neste apartado.

-       Axudas de material: Alumnado de educación primaria de 1º a 6º e educación especial.

DOCUMENTACIÓN A PRESENTAR: (OS ANEXOS I E II, OS PODEDES DESCARGAR DESDE ESTA NOVA)

      - Solicitude segundo o Anexo I.

A PRESENTACIÓN DE SOLICITUDES PODESE FACER VÍA TELEMÁTICA NO SEGUINTE ENDEREZO OU BEN A TRAVÉS DA APLICACIÓN FONDO LIBROS:

https://sede.xunta.gal/detalle-procedemento?codtram=ED330B

NO PROPIO CENTRO EDUCATIVO, NO HORARIO DE ATENCIÓN AS FAMILIAS.

FORA DESTE HORARIO NON SERÁ POSIBLE ATENDELOS.