CURSO 2016-2017

Graduándose os pequechos...  

Xa é un clásico neste centro, que Serafín Marcos, nos acerque, a través da súa parodia, a vida e obra do escritor ao que se dedica cada ano as Letras Galegas.

Así este curso, descubrimos a un Carlos Casares moi entrañable e un gran escritor que podemos descubrir a través das súas innumerables obras de narrativa.

O seu interés polos nenos/as levouno a escribir contos tan coñecidos como: "A galiña azul", As laranxas máis laranxas de tódalas laranxas", "O can Rin e o lobo Crispín"...

Se queredes coñecer máis sobre as súas obras e a súa vida, clicade nos enlaces.

Partindo do tema central que se traballa este curso desde a biblioteca do centro "A cultura tradicional", os nenos/as de Educación Infantil están construíndo o abecedario tradicional; para isto pediuse colaboración ás familias e achegados para que con cada letra do abecedario lles mostrásemos aos alumnos/as algún aparello, instrumento, construción, oficio, afección..da nosa cultura. Para comezar decidimos facelo coa "G" de gaita, pois no Entroido esta etapa disfrázase de gaiteiros/as..e foi así como Miguel nos fixo pasar un intre ben divertido tocando a gaita, explícándonos o seu funcionamento, partes, e respondendo,a tódolas dúbidas que tiñan os nosos pequenos e pequenas. Grazas Miguel por vir a que foi a túa escola.