https://www.lavozdegalicia.es/noticia/barbanza/2017/11/17/aulas-rodriguez-cadarso-vuelven-plato/0003_201711B17C4994.htm
Aproveitando o tema do proxecto de Biblioteca, escollido este curso dentro do PLAMBE, "Luces, cámara, acción", tivemos a sorte de ser invitados a asistir á rodaxe dunha escena da serie "FARIÑA" que se está rodando en Noia.
E hoxe, o día non puido comezar mellor. Ás dez da mañá, aparcían pola porta da biblioteca: Jorge Torregrossa (director da serie), Ricardo de Gracia
(operador de cámara) e Xosé Antonio Touriñán(actor). A emoción dos nenos/as rompeu nun gran aplauso cando os viron aparecer.
A continuación, os alumnos/as de sexto curso, contáronlle aos compañeiros o argumento da serie, a biografía e a vida laboral dos tres ponentes. Dando paso así a Jorge Torregrossa, que, como director, fixo un bo e claro percorrido desde o punto de partida da serie, citando a novela que lle dou o nome, pasando por toda a secuencia de filmación, ata chegar o resultado as nosas pantallas.
Ricardo de Gracia, centrouse na importancia da iluminación e a cámaras durante o proceso.
E Touriñán, desvelounos o seu papel como actor nesta serie, facéndonos rir, como habitualmente, e sendo a quen máis se dirixiron as preguntas finais.
Grazas aos tres por facernos disfrutar dunha xornada do máis entretida e interesante para aproveitar como experiencia e incluíla no proxecto audiovisual da Biblioteca.
