20N DÍA INTERNACIONAL DOS DEREITOS DAS NENAS E NENOS
Este pasado venres celebramos no cole o día dos dereitos das nenas e os nenos.
É un día importante para conmemorar nas escolas e máis no medio desta pandemia que está a poñer a vida de moitas nenas e nenos moi moi difícil.
Como adultos debemos ter ben presente que na infancia se atopan as sementes do futuro e por iso é tan importante coidalas e protexelas. As nenas e nenos son merecedores de respecto e coidados, como sociedade debemos ser conscientes do importante que é darlles o seu lugar e atendelos como merecen.
Para lembralo, dende o cole, recreamos por aulas os dereitos que teñen e colgámolos da alambrada do centro para que todas as familias e veciñanza os poideran lembrar e desfrutalos.
Todos nos parecen fundamentais, pero recollemos este da web de UNICEF pola importancia que ten no noso contexto.
Mirade o traballo das nenas e nenos
PROCEDEMENTO PARA O REPARTO DE MÁSCARAS AO ALUMNADO
O pasado día 13 publicouse no DOG a orde de 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos.
Seguindo as intrucións:
- Aos alumnos que contan con axudas de material escolar da Xunta as máscaras seranlles asignadas de xeito directo, polo que non precisan tramitar a solicitude
- Unicamente terán que formalizar a solicitude o alumnado que aínda que no seu día non solicitaran as axudas de material escolar cumpra algunha das seguintes condicións:
- Pertenza a unha familia cunha renda per cápita igual ou inferior
a 6.000 euros
- Alumnado matriculado en Ed. especial
- Alumnado suxeito a tutela ou garda da Xunta de Galicia.
- Alumnado cun grao de discapacidade igual ou superior ao 65%
Os datos a ter en conta son a data 31 de decmbro de 2018.
PROCEDEMENTO PARA ENTREGA DE SOLICITUDES:
Entregaranse únicamente de forma presencial no centro educativo no que estea matriculado a/o alumna/o.
O prazo será de 10 días hábiles a partir do día seguinte á publicación da orde no DOG. Do 16 ao 27 de novembro de 2020.
Deberá entregarse:
- ANEXO I, debidamente cuberto. (Solicitude en documento anexo) e Copia do libro de familia ou documento equivalente, onde figuren o alumno e os demais membros computables da unidade familiar, de xeito xeral.
- ANEXO II. No caso de que o solicitante se negue á comprobación dos datos, deberán anotalo no anexo e presentar os documentos que recolle dita orde.
Para entregalo no centro será imprescindible concertar CITA PREVIA. 886.11.02.56
Aquelas familias que teñan dificultade para imprimir a solicitude, poden chamar ao centro e facémoslle chegar unha fotocopia a través do alumnado.
Para resolver calquera dúbida ao respecto, chamade ao cole.
LISTA DE LIBROS
A continuación tendes o listado de libros de texto para o curso 2020-2021 por curso. Lembrade non mercalos ata que avisemos do centro.
Grazas a todos. Se tendes dúbidas, chamade ao cole. 886.11.02.56
SOLICITUDE COMEDOR E TRANSPORTE
Dende hoxe mesmo e ata o vindeiro día 10 de xullo poderedes facer a solicitude de comedor escolar e transporte para o vindeiro curso 2020/2021.
Poderedes escanealas e envialas por correo electrónico a ceip.abelendo@edu.xunta.es
Neste suposto as fotocopias deberán ser compulsadas.
No caso de non poder achegalas por medios electrónicos, poderedes facelo presencialmente no centro. Para isto, mellor chamar para concertar unha cita e non coincidir con outras familias. 886.11.02.56
Para calquera dúbida estaremos no centro en horario de mañán.
Aquí poderedes descargar as solicitudes.
LISTAXE DEFINITIVA ALUMNADO ADMITIDO CURSO 2020-2021
Xa está colgada no taboleiro do centro a listaxe DEFINITIVA do alumnado admitido para o curso 2020-2021 estando incluida nela todos os alumnos e alumnas que no seu momento solicitaron praza.
- « primeira
- ‹ anterior
- …
- 10
- 11
- 12
- 13
- 14
- 15
- 16
- 17
- 18
- …
- seguinte ›
- última »
![Ceip de Abelendo RSS Distribuir contido](/centros/ceipabelendo/misc/feed.png)