Activ. colectivas

Obra de teatro

Mér, 05/06/2024 - 13:50

DÍA CONTRA O ACOSO ESCOLAR

O día 2 de maio celébrase o día contra o acoso escolar. No noso centro, o alumnado de FP representou unha obra de teatro para o resto do alumnado e profesorado do centro. A obra consistiu en amosar o sufrimiento e a realidade de nenos/as que sofren acoso escolar nos seus centros e en amosar ferramentas para intentar afrontar estas situacións.

Distintas bolboretas pero co mesmo dereito

Mér, 05/06/2024 - 13:25

DÍA DA DISCAPACIDADE

O día 3 de decembro celebrase o día da discapacidade. No noso centro, levamos a cabo una actividade colectiva na que participou todo o alumnado do centro. A actividade consistiu na lectura e visualización do conto de "Balobo" e, posteriormente, na decoración do mural coas bolboretas que previame o alumnado decorara nas súas aulas.

Este mural quedou exposto durante todo o curso escolar nun dos corredores do centro.

VISITA DA UPA

Ven, 17/05/2024 - 18:46

O xoves, 16 de maio de 2024, visitounos Fernando, membro da Unidade de Policía Nacional Adscrita de Galicia - Protección do Medio Ambiente.

Contounos e explicounos moitas cousas interesantes sobre as diferentes actuacións que levan a cabo no seu traballo diario: os incendios forestais, o furtivismo e marisqueo ilegal e a protección do medio ambiente.

Tamén nos explicou como actúan cando investigan un incendio forestal e como podemos saber a traxectoria do lume mirando como están queimadas as pedras, as árbores ou cara onde cae a herba, entre outras cousas.

Ademais, mostrounos algúns dos obxectos que empregan no seu traballo diario: cámaras de trampeo nocturnas para a localización de animais, visores nocturnos para o marisqueo ilegal, bandeiras de señalización, etc. ...

Ao final, fixemos unha foto de recordo!

OLIMPIATERRA 2024

Ven, 09/02/2024 - 17:11

Bos días a todos e todas, Terra de Ferrol. Hoxe imos celebrar o entroido e estamos mooooooi deportivos.

Informando desde as Olimpiaterra 2024, son Pablo, o voso reporteiro de confianza, e estou aquí co meu gran equipo de reporteiros para retransmitir tooooodo o que ocorre neste gran acontecemento!!

Vouvos presentar aos equipos campeóns destas Olimpiadas! Realizáchedes todos os retos e conseguíchedes chegar ao máis alto.

Imos comezar coa entrega de medallas a mans da nosa mascota: O Rato Roi!! Por favor, achegádevos ou subide ao podio cando oiades o voso país!

Batendo records en Remo... UCRAÍNA! Un gran aplauso para eles!

Amosando unha gran destreza na ximnasia… GUINEA ECUATORIAL!

Chegados do país veciño e sen medo a mollarse, o equipo de natación de… PORTUGAL!

Co mellor golpe de tenis… REINO UNIDO! Come on!

Abraiándonos en patinaxe artístico… PALESTINA!

Tan rápidos que nas probas nin os vimos pasar! En atletismo… ITALIA!

Sen medo a suar e dándoo todo, en halterofilia, MARROCOS!

Con gran forza e constancia, desde o hemisferio sur… a equipa de piragüísmo de… BRASIL!

Cuidado! Que este equipo ten moita puntería… Chegan as dianas de…. ESPAÑA!

Cun manexo dos pes que dá vertigo, estes futboleros só podían ser de… REPÚBLICA DOMINICANA!

Moito ollo que eses floretes demostraron que son rápidos! Que pase o equipo de esgrima de… XAPÓN!

Desde VENEZUELA, dispostos a arrasar con todo, a equipa de Rugby!!

Moitas grazas a todos, por último, pídovos un grande aplauso para o meu gran equipo de reporteiros!

Foi un pracer estar aquí con vos, e agora, despois de tanto sudor e lágrimas… toca divertirse!

Que vos aproveiten as torrijas e vémonos na pista de baile!

ADXUNTAMOS O ÁLBUM COAS FOTOGRAFÍAS DO ENTROIDO 2023/2024:

Álbum: Curso 2023/2024 -> Entroido

DÍA INTERNACIONAL DAS PERSOAS CON DISCAPACIDADE

Ven, 15/12/2023 - 19:09

Hoxe celebramos o Día Internacional das Persoas con Discapacidade. Para iso desprazámonos á sala de Xuntas para escoitar o conto de Bolobo e facer o mural "Distintas bolboretas pero co mesmo dereito" formado por distintas bolboretas coas nosas fotos.