Tecnoloxía

     Dentro das XIII Xornadas Ensino Empresa que organizou o CIFP Ferrolterra, o alumnado das materias de Tecnoloxía Industrial e Robótica do noso centro asitiou á unha interesante charla o día 9 de febreiro.

    A sesión versou sobre o uso e as posibilidades de desnevolvemneto dos drons nun futuro non lonxano.

    O luns 20 de febreiro, os alumnos de 1º de bacharelato, xunto cos seus profesores de Matemáticas e TIC, asistiron no salón de actos do centro a unha charla impartida polo profesor da USC Enrique Macías que levou por título "A rede galáctica: unha historia de internet".

    Nesta charla aprendeunos como naceu, que é, e como funciona Internet, e a que principios científicos responde. Tamén nos explicou como se organiza e financia, como se almacenan e transmiten os seus contidos, e como se analiza e xestiona ese imenso espazo dixital.

    O CASANOVASQUAD, formado por un grupo de alumnos de 4º da ESO e 1º de bacharelato das áreas tecnolóxicas, participa na 3ª edición da FIRST LEGO League Galicia que se celebra o 18/02/17 no Auditorio de Ferrol.

   Os rapaces en equipo aprenderon, conviviron e divertironse moito: tanto facendo as diferentes Misións Lego; coma na realización do Proxecto Científico: unha app, DOGSAID, que solventa que facer cando unha persoa atopa un can abandoado.

    O pasado día 7 os alumnos de 2º de bacharelato das materias de Debuxo Técnico II e Tecnoloxía Industrial II, acompañados dos seus profesores Eva Leira, Beatriz Méndez e José María Orbaneja, visitaron Navantia-Ferrol.

    As áreas obxecto da visita foron, en primeiro lugar, o departamento Técnico, onde tiveron unha ampla información do funcionamento da estaleiro; en segundo lugar, os obradoiros de Turbinas, Elaborado, Prefabricado e Armamento; e, en derradeiro lugar, a Grada, onde viron a montaxe final dos bloques.

    En todos os departamentos estiveron informados por persoal competente que relatou polo miúdo as actividades que se desenvolvían en cada un deles.