Skip to Content

Tecnoloxía

GenTech

Mar, 23/04/2019 - 04:14
   

    O alumnado de primeiro de bacharelato do centro asistíu á charla “Descobre o teu GenTech” impartido pola empresa Altia.

    Nesta animada e amena charla os poñentes intentaban axudar ós rapaces a descubrir o seu xene tecnolóxico con diversas cuestións e amosando varios exemplos.

ERASMUS+: ROBOT DANCE do Sofía Casanova en Finlandia

Mar, 23/04/2019 - 04:10
   

     A primeira semana de Abril celebrouse en Kuopio, Finlandia, unha nova reunión de formación do Proxecto ERASMUS+: ROBOT DANCE no que o instituto está a participar.

    Durante esta semana un grupo de profesoras do centro mostraron o traballo realizado, visitaron os centros educativos integrados no proxecto e puideron coñecer o funcionamento do sistema de ensinanza finlandés

Prata no II Certame de Robótica da Escola Universitaria Polítécnica de Serantes

Mar, 02/04/2019 - 09:17

 		  

    Varios  alumnos  do IES Sofía Casanova participaron no  II Certame de Robótica da Escola Universitaria Polítécnica de Serantes.

    O equipo Pacadia acadou a prata na categoría de Sumo. 

    Pacadia está formado por Pablo Sánchez, Carlos Cao, Diego Pol e Aldryn Rodríguez Guzmán.

    Pode atoparse máis información sobre o certame en: La Voz de Galicia ;  Galicia Press  e o  Diario de Ferrol.

Visita a Pull & Bear

Mar, 12/03/2019 - 04:41

 

   

    O pasado 8 de marzo, alumnado de Tecnoloxía Industrial I e de Robótica de 1º Bacharelato visitou, acompañado por profesoras do departamento de Tecnoloxía, as instalacións da sede central de Pull & Bear no Polígono Río do Pazo en Narón.

     Nesta visita puideron comprobar como funciona o centro loxístico da marca de Inditex, así como os restantes departamentos de deseño, e-commerce, tenda piloto, control de calidade, etc.

O IES Sofía Casanova en EDUGAL

Xov, 07/03/2019 - 04:46
   

     O IES Sofía Casanova en EDUGAL O pasado 27 de febreiro o IES Sofía Casanova estivo presente en EDUGAL có proxecto "Hospital de Robots - Creación dun robot educativo".

    O Hospital de Robots é un proxecto premiado do CIFP Ferrolterra có que colabora ó departamento de Tecnoloxía, nel o alumnado de Robótica ten que montar o robot educativo e levar a cabo algunha actividade de aplicación ou mellora.

2º premio aos valores First Lego League

Mar, 19/02/2019 - 10:08
   

    O pasado sábado 16 de Febreiro, celebrouse a First Lego League Galicia.

    O noso centro, un ano máis, participou no concurso conseguindo o 2º premio aos valores First Lego League.

    O equipo, representado por alumnado do club de ciencia e da materia de Robótica, traballou a reo e con moitos nervios para defender os seus proxectos e superar os desafíos do robot. Tamén realizaron unha entrevista en directo para a televisión de Galicia na que explican o seu proxecto científico.

    Sodes un gran equipo, parabéns!

Exposición sobre enerxías e recursos minerais

Lun, 11/02/2019 - 15:04
 

    Ata o xoves pode verse na planta baixa, entre os dous patios, unha exposición sobre enerxías e recursos minerais.

    A citada exposición foi cedida pola pola Escola de Enxeñería de Minas de Vigo, no marco dunha actividade organizada polo departamento de Tecnoloxía.

Visita a Sotavento

Ven, 08/02/2019 - 09:59

 

 

  

    Este mércores 6 de febreiro, o alumnado de 3º ESO visitou o Parque Eólico Experimental de Sotavento.

    A visita estivo xestionada polo departamento de Tecnoloxía e estiveron acompañados por profesorado de Tecnoloxía e Xeografía e Historia.
    Alí puideron coñecer o funcionamento dun aeroxerador, o concepto de vivenda bioclimática, diferentes formas de aforro enerxético e os tipos de enerxía renovables que hai.
Distribuir contido


by Dr. Radut