Complementarias

      O alumnado de 4º de ESO fixo unha interesante e intensa viaxe de fin de curso por Bélxica e os  Países Baixos.

   Visitaron Bruxelles (Bruxelas), Antuerpen (Amberes), Gante, Bruges (Bruxas) e Ámsterdam, cidades nas que contaron con guías.

      Na entrada do instituto estes días pódense atopar algún dos traballos que fixemos no noso papel de VENUS, como parte da nosa participación no proxecto Sistema Solar Ferrolterra.
    Están expostos os logos propostos para o proxecto e a interpretación da Venus de Botticelli que fixeron na materia de EPVA de 4º ESO, e unha selección de libros, feita desde a biblioteca, tanto científicos como de poemas. Tamén hai unha sección máis científica realizada polos compoñentes do club de ciencias, e unha selección de poemas relacionados con Venus que recompilou o noso profe de Lingua Castelá, Daniel Iglesias.
    Este é o froito dun traballo multidisciplicar e o resultado é espectacular. Grazas a todos polo voso esforzo todos estos meses!

     Para concluír co Plan Proxecta "O mundo que queremos", o alumnado de 3º ESO elaborou nas clases de Educación Plástica e Visual unha serie de lenzos nos que se representan cada un dos Obxectivos de Desenvolvemento Sostible, qeu foron expostos no seu corredor, zona de paso do resto do alumnado.
     Con este último acto preténdese dar visibilidade ao traballo levado a cabo ao longo deste curso en torno aos ODS.

     O martes 11 de xuño 52 alumnos de 1º ESO fixeron unha saída organizada polos departamentos de Bioloxía e Educación Física a Doniños.

    Pola mañá recorreron o Val de Doniños e a lagoa, facendo diversas paradas para o estudo dos ecosistemas lacustres, a xeomorfoloxía e a biodiversidade das especies da zona. En Outeiro visitaron o monumento a Ros.
    Logo do almorzo no pinar, fixeron unha camiñada dende a praia de Doniños ata a de San Xurxo, na que disfrutaron das paisaxes dos cantís e illotes, do castro de Lobadiz e da botánica característica da zona.