Información de interese

Na mañá dos días 10 e 11 de abril vaise levar a cabo en toda a Comunidade Autónoma de Galicia a avaliación de diagnóstico no 2º curso da ESO.

Esta avaliación trátase dunha proba anónima de carácter anual e que pretende avaliar as competencias do alumnado en comunicación lingüística (Lingua Galega, Lingua Castelá e Lingua Estranxeira) así como en matemáticas.

Esta proba non ten ningún efecto académico e non se reflectirá no expediente do alumnado. O seu obxectivo principal no é outro que obter información sobre o sistema educativo e do grao de adquisición das competencias en cada centro. Os resultados analizaranse de forma conxunta tomando como referencia o alumnado de toda Galicia.

Pódese consultar máis información no seguinte enlace: AVALIACIÓN DIAGNÓSTICO 2023-2024.

Publicada a convocatoria de axudas para a realización de actividades de formación en linguas estranxeiras no ano 2024 destinadas ao alumnado que cursa 1º e 2º de bacharelato en centros docentes sostidos con fondos públicos. (DOG do 12/02/2024).

A solicitude destas axudas iniciarase a través da aplicación en liña dispoñible na páxina web do programa:

https://www.edu.xunta.gal/axudasle/

Pódese consultar toda a información nos enlaces seguintes:

• Orde do 29 de xaneiro de 2024 (DOG)
• Extracto da Orde do 29 de xaneiro de 2024 (DOG)

Desde o 20 de maio está aberto o prazo para solicitar as axudas para material escolar destinadas a alumnado matriculado en Primaria, ESO e Educación Especial en centros docentes sostidos con fondos públicos para o curso escolar 2023/24 (ao ser o IES Cabo Ortegal un centro Edixgal con libros de texto dixitais, non se solicitan axudas para libros de texto).

O prazo para a realización dos trámites necesarios finaliza  o 21 de xuño, este incluído. A presentación de solicitudes realizarase preferiblemente por vía electrónica a través do formulario normalizado accesible dende a sede electrónica da Xunta de Galicia. Tamén se poderán presentar as solicitudes de xeito presencial no centro educativo ou en calquera dos lugares e rexistros establecidos pola normativa reguladora do procedemento administrativo común cumprimentando o seguinte formulario: ANEXO SOLICITUDE e que deberá ser entregado na administración do centro. 

As convocatorias poden consultarse no Diario Oficial de Galicia e no Portal Educativo. 

Publicada a  ORDE do 27 de decembro de 2022 de modificación da Orde do 20 de maio de 2022 pola que se aproba o calendario escolar para o curso 2022/23 nos centros docentes sostidos con fondos públicos na Comunidade Autónoma de Galicia, na que se indica que a 3ª avaliación e a avaliación final de todos os niveis da ESO deben desenvolverse nas mesmas datas, polo que as sesións da 3ª avaliación e da avaliación final da ESO desenvolveranse conxuntamente a partir do día 22 de xuño.

Pódense consultar as principais directrices no seguinte enlace:

ADENDA PROGRAMACIÓNS DIDÁCTICAS

PRIMEIRA FASE DE RESERVA DE PRAZA EN CENTROS ADSCRITOS

O prazo de solicitudes para realizar a reserva de praza do alumnado que cursará estudos no IES Cabo Ortegal en 1º da ESO no curso académico 2023-2024 abrangue do 16 de xaneiro ao 6 de febreiro de 2023, ambos incluídos. 

Para poder realizar a reserva de praza deberase presentar presencialmente ou a través da aplicación admisionalumnado o formulario normalizado (ED550A) que se publica como anexo I da orde. Este formulario será facilitado gratuitamente nos correspondentes centros docentes e tamén estará dispoñible na sede electrónica da Xunta de Galicia. 

Tanto a presentación das solicitudes como a consulta das listaxes de admitidos, que se publicarán antes do día 28 de febreiro, deberán realizarse no centro no que está matriculado o alumnado no presente curso (CEIP Manuel Fraga Iribarne) ou a través da antedita aplicación. 

Segundo as últimas instrucións publicadas pola Consellería no relativo á xestión da Covid-19 no ámbito educativo, informamos que:

• Segue sendo recomendable a ventilación dos espazos, polo que na medida do posible continuarase cunha óptima ventilación das aulas e zonas comúns do centro.
• Seguirase promovendo a hixiene de mans e a hixiene respiratoria.
• A máscara é recomendable cando se presenten síntomas compatibles coa enfermidade ou naquelas persoas con criterios de vulnerabilidade. Neste punto é importante recordar aos usuarios de transporte escolar que polo de agora a máscara si é obrigatoria no interior do bus.
• Finalmente cando unha persoa sexa positivo por Covid poderá asistir ao centro sempre que non se atope mal, pero nese caso terá a obriga de utilizar máscara. No caso en que a sintomatoloxía lle impedise asistir con normalidade ao centro, non acudirá, como no caso de calquera outra enfermidade común.

Unha vez rematado o curso para 2º de Bacharelato, as datas relacionadas coa publicación de notas, entrega de boletíns, revisión e reclamación das cualificacións de 2º de bacharelato, así como o período para a entrega da documentación ABAU, poderanse consultar no seguinte enlace: CALENDARIO FINAL 2º BAC.

Así mesmo, toda a información de interese para formalizar a matrícula na proba ABAU ordinaria 2021 está dispoñible no seguinte enlace: INFORMACIÓN MATRÍCULA ABAU.

Toda esta información transmitirase tamén na reunión que se manterá co alumnado o mércores 19 ás 10:30 horas na aula desdobre 2º ESO B.

As probas da avaliación final extraordinaria terán lugar entre o mércores 16 e o martes 22 de xuño. Nos vindeiros días publicarase o calendario de exames.