Información de interese

O próximo martes 20 de novembro, ás 10:10 horas, terá lugar na sala de usos múltiples do centro o sorteo público dos compoñentes das mesas electorais de nais/pais e de alumnado, correspondentes á renovación parcial do Consello Escolar 2018.

O martes 7 de novembro constituíuse no IES Cabo Ortegal a Xunta Electoral que regula o proceso de eleccións para a renovación parcial do Consello Escolar 2018, quedando aprobado o calendario do mesmo. Pódese consultar no seguinte enlace:

CALENDARIO ELECCIÓNS CONSELLO ESCOLAR

Os censos dos diferentes sectores están expostos no taboleiros de anuncios do centro.

O prazo de presentación de candidaturas está aberto dende o xoves 8 de novembro ata as 14:00 horas do venres 16 de novembro. Todos os interesados en presentar a súa candidatura ás eleccións deberán cubrir a solicitude dentro do prazo establecido, solicitude que se facilitará na secretaría do centro. O luns 19 de novembro será finalmente cando quedarán proclamadas pola Xunta Electoral as candidaturas dos diferentes sectores.

As votacións realizaranse o martes 27 no IES Cabo Ortegal.

Para calquera dúbida, pódese acudir ao centro solicitando máis información.

Tendo en conta o Decreto 92/1988 do 28 de abril, modificado polo Decreto 279/1990 do 27 de abril e polo Decreto 324/1996 do 26 de xullo,  e tendo en conta tamén a resolución do 25 de setembro de 2018 (DOG do 8 de outubro) que establece o calendario para a celebración de eleccións de membros de consellos escolares, o próximo luns 5 de novembro terá lugar, ás 10:10 horas, na sala de usos múltiples do IES Cabo Ortegal, o sorteo público dos membros (titulares e suplentes) da Xunta Electoral que regulará todo o proceso desta renovación parcial dos membros do Consello Escolar.

O mércores 7 de novembro constituirase a Xunta Electoral e, unha vez aprobado, publicarase o calendario electoral.

Aos efectos de xeral coñecemento faise público o acordo da Xunta de Goberno local de data 11/10/2018 pola que se aproban as bases e se procede á convocatoria de axudas para sufragar as actividades culturais,deportivas e educativas no ano 2018, e cuxo teor literal se reproduce a continuación:

As presentes bases rexerán a convocatoria de concesión de axudas para sufragar as actividades culturais, deportivas e educativas dos/as alumnos/as empadroados/as e escolarizados/as en Cariño  nos seguintes cursos:

-Infantil(3,4 e 5 anos).

-Educación Primaria.

-Educación Secundaria Obrigatoria.

-Bacharelato.

OBXECTO DA CONVOCATORIA.

A presente convocatoria ten por obxecto a concesión de axudas para garantir o acceso ás actividades culturais, deportivas e educativas (clases de apoio aos estudos, apoio a necesidades educativas,...) que se realicen no Concello de Cariño durante o ano 2018, destinadas ós/ás alumnos/as empadroados/as e escolarizados/as nesta localidade nalgún dos cursos desta convocatoria, pertencentes ás familias con menor poder adquisitivo do municipio, non sendo compatibles con calquera outra axuda que perciban polo mesmo concepto.

O fin último destas axudas é favorecer a integración sociocultural e garantir as necesidades básicas destas unidades familiares no eido da cultura, educación e deporte.

O prazo de presentación remata o martes 6 de novembro de 2018.

No seguinte enlace pódese consultar o calendario definitivo da Avaliación de Bacharelato para o Acceso á Universidade deste curso 2016/2017: CALENDARIO.

Para máis información a cerca da proba recoméndase consultar a páxina da CiUG.

Recórdase que o vindeiro luns 30 de xaneiro non haberá clases xa que foi aprobado no Consello Escolar celebrado o 15 de setembro de 2016, quedando así establecido no calendario escolar do curso 2016/17 do IES Cabo Ortegal. As clases reanudaranse o martes 31 de xaneiro no seu horario habitual.