Infantil e primaria

Neste mes de abril puidemos ver na Biblioteca unha exposición sobre a Historia do libro, na que a través de diferentes paneis e reproducións de obxectos de escritura: pinturas rupestres, tabliñas de arxila, papiros, tabliñas de cera, ... puidemos coñecer a evolución da escritura dende a súa aparición ata os nosos días.

Esta exposición foi realizada pola Biblioteca do I.E.S. Fernando Esquío, de Neda, aos que felicitamos polo marabilloso traballo e lles agradecemos o seu préstamso para poder disfrutala tamén nós.

No enlace seguinte tedes un resumo desta mostra:

Na semana do libro comezamos unha nova actividade:

AS LECTURAS COMPARTIDAS :"OS MAIORES TAMÉN CONTAN"

Os pais, nais, avós, avoas, irmáns ou calquera outro familiar veñen ao colexio a contarlles ao seu fillo (neto, irmán, ...) un conto, unha pequena historia, lerlles algunha poesía, ... Esta actividade facémola na Hora de ler.

Esta semana, para conmemorar o Día do Libro, decidimos realizar esta actividade todos os días.

O mércores día 17 de xaneiro os nosos compañeiros e compañeiras encargados das bibliotecas de Ferrolterra visitaron a biblioteca de Sansiño. Grazas por vir e por ese tempo compartido de falar, escoitar, mirar e colaborar nese gran proxecto que é "Coñecernos para querernos" e que pouco a pouco vai sendo unha realidade nos nosos centros.

Samaín, que un ano máis chegou por fin. Tempo de baleirar cabazas, de visitar a cova do medo para ler libros, descubrir as novidades e pasar un rato ben divertido cun libro nas nosas mans.