O CPI e o Concello de San Sadurniño convocan o II Concurso de Fotografía do Día Mundial do Medio Ambiente.
BASES:
Participantes
Poderán participar todos os alumnos e alumnas do CPI de San Sadurniño.
Categorías
a) Educación Infantil.
b) Educación Primaria.
c) Educación Secundaria.
Obras
-
Os traballos presentados serán orixinais e inéditos, é dicir, non poden ter sido difundidos previamente en ningún tipo de soporte.
-
As fotografías terán como tema os ríos, os regatos ou as fontes.
-
As fotografías irán montadas preferentemente sobre unha cartolina negra de tamaño A4 ou ben serán enviadas en formato dixital ao enderezo do CPI (cpi.sansadurnino@edu.xunta.es) indicando no asunto “Certame de fotografía”. Incluirase tamén un folio no que figuren os seguintes datos:
-
Título da fotografía.
-
Lugar onde foi feita.
-
Nome do río, regato ou fonte.
-
Nome, apelidos e curso do autor ou autora.
-
O autor da fotografía contará coa debida autorización das persoas que teña fotografado.
-
O xurado poderá solicitar, se o considera oportuno, o ficheiro orixinal da imaxe.
Xurado
O xurado estará constituído por dous representantes do concello e dous profesores do CPI de San Sadurniño.
Premios
Concederase un premio por categoría.
Propiedade das fotografías
Os participantes no concurso cederán os dereitos de exposición, publicación e difusión das fotografías, sempre e cando se cite o nome do autor destas.
Prazo de presentación
O prazo de admisión de orixinais remata o 3 de xuño de 2013.
