12/12/2017

Hoxe foi un día histórico para @s sufrid@s internautas do Feal. Xa podemos traballar en Internet. Despois de tantos e tantos anos pedindo un subidón de velocidade, esta mañá medimos uns 100 Mbps de baixada en todos os equipos que probamos.

A mágoa é que ao Feal en realidade chegan 500 Mbps polo novo radioenlace, pero a nosa rede interna impón unha barreira de 100. E a barreira durará moitos anos, porque para rompela habería que cambiar a maioría dos conmutadores e cables de rede, e incluso moitas tarxetas nos ordenadores.

Así que saboreade ben este salto nas telecomunicacións do Feal, porque quedarán así por moito tempo.

Nota: Cen megas de grazas para Junior Camacho e Sara Caro!!

10/12/2017

O curso pasado non houbo suficiente enerxía para organizar ben un vídeo de despedida da nosa Promoción 2017. Sen embargo, xa a mediados de xuño houbo un intento acelerado por parte dun pequeno equipo de alumnas de 4º de ESO, que presentaron a súa montaxe no festival de fin de curso. Despois, a xa ex-alumna nosa Nerea Doce tivo problemas técnicos para mellorar con calma esta montaxe na súa casa, polo que agora decidimos darlle outra volta desde O Feal ao pouco material dispoñible (cun estilo un pouco diferente) e subilo a Internet.

Ademais de a todo o alumnado de cuarto que colaborou, queremos agradecer especialmente a participación do súper pitcher teacher Víctor Novo, que lanzou con pericia os globos de auga aos nosos fantásticos bateadores/as.

Haberá vídeo de despedida da Promoción 2018? Aínda non sabemos, pero a despedida non ten por que consistir nun vídeo. O ideal sería que o alumnado chegase cunha idea totalmente nova cada ano... poden contar coa nosa axuda.

Ángel Carrera

03/07/2016

Aquí aparece todo o profesorado e persoal non docente que conseguimos reunir o pasado 23 de xuño. Aproveitamos para informar dun cambio no equipo directivo: Montse Lorenzo releva a María Anca (que cambia de centro) na xefatura de estudos de Secundaria. Moitas grazas e sorte ás dúas, e por suposto en xeral a todo o profesorado que deixa o noso centro.

20/06/2016

Nunca fixeramos un vídeo de despedida tan viaxeiro: Vigo, Narón, París... Moitas grazas a toda a xente de 4º de ESO que colaborou con paciencia e alegría nas numerosas tomas (tamén ás profes!), e os nosos mellores desexos para a nosa atómica Promoción 2016. Un forte abrazo e que teñades moita sorte nos vosos novos camiños.

Veña, dalle ghas, María!!

30/06/2015

Aquí aparece todo o profesorado e persoal non docente que conseguimos reunir o pasado 26 de xuño. Moita sorte a tod@s @s que deixan o noso centro.

02/07/2014

Aquí aparece todo o profesorado e persoal non docente que conseguimos reunir o pasado 27 de xuño (máis un pequeno e adorable intruso chamado Fabián). Aproveitamos para informar dun cambio no equipo directivo: María Anca releva a Mar González na xefatura de estudos de Secundaria. Moitas grazas e sorte ás dúas e por suposto tamén a tod@s @s que deixan o noso centro.

11/01/2014

Queridos compañeiros e compañeiras:

Inesquecible para min o día 20 de decembro de 2013. Rosa e mais eu sentimos, máis ca nunca, a vosa proximidade e o voso agarimo.

Despois de ler a modiño o que me escribistes no caderno, e saboreando todas e cada unha das palabras, teño que darvos outra vez as grazas por tantas cousas bonitas que me dicides, chegaron ao meu corazón e gardareinas alí sempre.

Para todos felicidade, saúde e sorte neste novo ano. Tamén para os nenos/as do Feal en especial para aqueles que foron alumnos/as meus, moito éxito nos estudos e sobre todo na vida.

Graciñas!!

Pura Martínez

Graciñas por todo o voso apoio e cariño. Por valorarme tanto. Por acompañarme e facerme sentir ben en momentos delicados da miña vida. Por aguantarme tantos anos! Que teñades moita sorte. Levareivos sempre no meu corazón. Biquiños

Rosa Cornide

Versión en HD: http://youtu.be/Gg8MKzMWXyg?hd=1

20/09/2013

Despois de Alicia Trobajo, Manolo Corredoira e Pura Martínez, agora chega a cuarta xubilación (anticipada) de 2013 no Feal: a mestra de Infantil Rosa Cornide. A finais de 2012, nun dos nosos vídeos, contábannos os catro que estiveron traballando no Feal desde 1980... toda unha vida! Un forte abrazo para a nosa querida Rosa e queda pendente un xantar cos teus compañeiros!