Felipe Barata

2 podiums para os nosos atletas

A pasada fin de semana disputouse na localidade coruñesa de Padrón unha nova edición da Carreira Popular de Padrón, que ademáis era Campionato de España de 10 Km en ruta para as categorías absolutas. Ata Padrón se desplazaron catro atletas do club da categoría infantil, que tiveron unha actuación excelente, conseguindo dous meritorios podiums.

 Felipe Barata

3 segundos postos e 4 terceiros para os e as atletas de Friol

Disputouse en Lugo a 2ª Proba Clasificatoria de Atletismo en Pista para as categorías benxamín e alevín, onde tomaron parte cerca de 20 atletas do club destas categorías.
O máis destacado desta xornada foron os segundos postos de Samuel Castedo en salto de altura alevín, o de Mario Campos en 1 km marcha benxamín e o de Jorge Santos en lanzamento de pelota alevín.
Tamén destacaron os terceiros postos de Juan Zas na proba de 2 km marcha alevín, o de David Fariñas nos 500 metros benxamín, o de Noa Fagil na proba dos 2.000 metros lisos e tamén o de Nerea Lage na proba dos 2 km marcha alevín.

Felipe Barata

Excelente Adrián Lage

O domingo 6 de abril disputouse unha nova proba do circuíto lucense Corre con Nós. Nesta ocasión a participación de atletas foi moi escasa, con só 2 representantes do club na mesma.
O máis destacado foi a gran carreira de Adrián Lage, que acababa a segunda posición da categoría C, demostrando o gran estado de forma no que se atopa e facendo a mellor carreira de todo o que levamos de circuíto.

O pasado 31 de marzo, os grupos de 1º, 2º, 3º-B e 4º-B de ESO viaxaron a Santiago para asistir no Colexio La Salle á obra de teatro London, here I come!

 Teresa Estévez

O martes 18 de marzo o alumnado de 3º, 4º, 5º e 6º de Primaria e 1º de ESO fixeron unha saída ao noso entorno. Acompañados polo encargado de obras do Concello, José Manuel López Díaz, visitaron a depuradora de augas residuais e observaron o seu funcionamento. A continuación, desprazáronse ata a decantadora, onde tamén escoitaron explicacións de como desenvolve a súa actividade. Finalmente, dirixíronse ao punto limpo, situado xunto ao mercado gandeiro. Alí, comprobaron a existencia de colectores especiais para todo tipo de residuos e informáronse do procedemento a seguir para a súa utilización, así como do horario de atención aos veciños.

 Melani Coedo

O día 28 de marzo os nenos e nenas do primeiro ciclo fixemos una visita ó Museo de Lugo, despois demos un paseo pola Muralla e Praza Maior para ir xantar ó Parque de Rosalía e rematar o día xogando.

 Felipe Barata

5 VITORIAS PARA O NOSO CLUB

Disputouse nas pistas de atletismo Gregorio Pérez Rivera a primeira proba clasificatoria de atletismo en pista do programa Xogade para a categoría infantil e na cal tomaron parte 8 atletas do club, logrando uns bos resultados no seu primeiro contacto coa pista ó aire libre na presente tempada. Nesta primeira proba conseguíronse un total de 5 vitorias.

Conxuntamente coa proba infantil, disputábase tamén un control federado para os atletas da categoría cadete, na que participaban catro atletas do club.
 
Gael Jaúregi gañaba a súa serie de 300 metros lisos (sen tempo oficial) e facía o propio cos 600 metros lisos, onde firmaba un crono de 1.44 minutos. Nesta mesma proba Tino Villar era cuarto con 1.55 minutos.

 Felipe Barata

GRAN CARREIRA DE RUBÉN CEIDE

Na xornada do sábado 29 de Marzo tivo lugar a prestixiosa proba da Carreira Popular da Torre de Hércules, na cal se deron cita máis de 2.000 atletas. O noso club estaba representado polo xuvenil Rubén Ceide, quen lograba un valioso podium.

Na matinal do domingo 30 celebrouse na cidade de Monforte unha nova edición da súa carreira popular, na cal tomaban parte 7 atletas do club, lográndose un podium.